Rho Scorpii

De Wikipedia
Saltar a navegación Saltar a la gueta
Rho Scorpii
Rho Scorpii
Constelación Scorpius
Ascensión reuta α 15h 56min 53,08s
Declinación δ -29º 12’ 50,7’’
Distancia 409 ± 45 años lluz
Magnitú visual +3,86
Magnitú absoluta -1,62
Lluminosidá 2540 soles
Temperatura 21.150 K
Masa 7,5 soles (aprox)
Radiu 3,75 soles (aprox)
Tipu espectral B2V
Velocidá radial -0,4 km/s

Rho Scorpii (ρ Sco / 5 Scorpii / HD 142669 / HR 5928) ye una estrella de magnitú aparente +3,86[1] asitiada na constelación del Escorpión. Alcuéntrase a 409 años lluz del Sistema Solar, perteneciendo —al igual que Antares (α Scorpii), ρ Ophiuchi o 48 Librae— a l'Asociación Scorpius Cimera, subgrupu de la gran Asociación estelar de Scorpius-Centaurus.[2]

Rho Scorpii ye una estrella azul de la secuencia principal —tamién catalogada como posible subxigante[1] de tipu espectral B2 que la so temperatura superficial ye 21.150 K. Relluma con una lluminosidá 2540 vegaes superior a la del Sol y el so radiu ye 3,75 vegaes más grande qu'el radiu solar. Tien una edá averada de 33 millones d'años y ye 7,5 vegaes más masiva que'l Sol; xusto per debaxo de la llende pa españar como supernova, probablemente va rematar la so vida como una nana blanca masiva similar a Siriu B (α Canis Majoris B). Xira sobre sigo mesma con una velocidá de rotación de siquier 40 km/s, siendo el so periodu de rotación inferior a 1,4 díes.[2]

Rho Scorpii ye una binaria espectroscópica con un periodu orbital de 4,003 díes. De la estrella acompañante nada se sabe, sacantes se mueve nuna órbita relativamente escéntrica (ε = 0,27). Una tenue estrella de magnitú +12,8, visualmente a 40 segundos d'arcu, tamién paez formar parte del sistema. Comparte movimientu propiu con Rho Scorpii y, si verdaderamente ta amestada a la lluminosa estrella azul, ta dixebrada d'ella siquier 4900 UA, completando una órbita en más de 114.000 años.[2]

Referencies[editar | editar la fonte]