48 Librae

De Wikipedia
Saltar a navegación Saltar a la gueta
48 Librae
48 Librae
Constelación Llibra
Ascensión reuta α 15h 58min 11,37s
Declinación δ -14º 16’ 45,7’’
Distancia 513 años lluz
Magnitú visual +4,94
Magnitú absoluta -1,03
Lluminosidá 965 soles (aprox)
Temperatura 17.645 K (aprox)
Masa 5,8 soles (aprox)
Radiu 3,3 soles (aprox)
Tipu espectral B8Ia/Iab ?
Velocidá radial -5,6 km/s
Velocidá de rotación ecuatorial 400 km/s

48 Librae (HD 142983 / HR 5491 / HIP 78207)[1][2] ye una estrella na constelación de Llibra de magnitú aparente +4,94, miembru de l'Asociación estelar de Scorpius-Centaurus.[2] Alcuéntrase a 513 años lluz de distancia del Sistema Solar.

La clasificación estelar de 48 Librae ye problemática. Catalogada como superxigante azul de tipu espectral B8Ia/Iab na base de datos SIMBAD[1] o como xigante azul de tipu B5III,[2] probablemente seya en realidá una estrella de la secuencia principal.[3] Ye una estrella Be —tien un discu de gas al so alredor—, consecuencia de la so elevadísima velocidá ecuatorial de rotación de 393 km/s,[2] una de les más altes que se conocen. El exa de rotación ten de tar cuasi perpendicular a la llinia de visión, lo que ye consistente cola so estatus de estrella con envoltura, implicando que'l discu gaseosu que lu arrodia ta alliniáu cola llinia de visión paeciendo particularmente gruesu.[3]

La rápida rotación fai que 48 Librae nun tenga forma esférica, tando abuitada na zona ecuatorial. Ello afecta a la so temperatura superficial, mayor nes rexones polares que nel ecuador, al tar esti postreru más llueñe del centru. Esti fenómenu, conocíu como escurecimientu gravitatoriu, provoca que los polos, más calientes, seyan tamién más brillosos. Teniendo en cuenta que nun esiste una única temperatura a partir de la cual pueden calculase otros parámetros, la temperatura aparente reparada de 17.645 K sirve pa llograr un valor averáu de la so lluminosidá (965 vegaes mayor que la del Sol) y el so radiu (3,3 vegaes más grande que'l radiu solar). Estos valores concuerden con una estrella que la so enerxía provién de la fusión de hidróxenu con una edá de 50 - 55 millones d'años.[3]

48 Librae ye una variable eruptiva Gamma Cassiopeiae que recibe la designación de variable FX Librae.[4]

Referencies[editar | editar la fonte]