Purificación Fenoll

De Wikipedia
Saltar a navegación Saltar a la gueta
Purificación Fenoll
Purificación Fenoll.jpg
Vida
Nacimientu

Granada2  de marzu de 1935

(84 años)
Nacionalidá Bandera d'España España
Estudios
Estudios Universidá de Granada
Nivel d'estudios doctor Traducir
Oficiu
Oficiu profesora universitaria, investigadora, xeoquímica y escritora
Emplegadores Universidá de Granada
Premios
Miembru de Club de Roma
Cambiar los datos en Wikidata

Purificación Fenoll Hach-Alí (2 de marzu de 1935, Granada)[1] ye una química, xeóloga, catedrática emérita ente 2005 y 2008, Defensora Universitaria ya investigadora española, miembru del Club de Roma.

Biografía[editar | editar la fonte]

Ye llicenciada en Ciencies Químiques y en Ciencies Xeolóxiques pola Universidá de Granada y llogró Premiu Estraordinariu de llicenciatura en Ciencies Xeolóxiques y Premiu Estraordinariu de doctoráu en Ciencies Químiques; ye profesora emérita de la universidá granadina onde foi caderalga de Mineraloxía. En Granada desenvolvió les sos principales llinies d'investigación nel estudiu de la mineraloxía y xeoquímica del magre y la so aplicación industrial, lo mesmo que de menas metáliques en relación con xacimientos de diversos elementos tales como níquel, cromu y oru en Andalucía.

Dirixó y participó en más de 30 proyeutos d'investigación, nacionales ya internacionales, cooperando ente otres coles Universidaes de Múnich, Roma, Glasgow, Copenhague, Rabar, Buenos Aires, Kiev y Ámsterdam.

Miembru de l'Axencia Nacional d'Evaluación y Prospectiva, dirixó'l Departamentu de Mineraloxía y Petroloxía, formó parte del Grupu de Minerología, Investigación y Xacimientos, foi secretaría de la Fundación Euro-Arabe, vicepresidenta de la Sociedá Internacional de Xeoloxía Aplicada y ocupó la presidencia de la Sociedá Española de Mineraloxía, que'l so boletín dirixó hasta la so xubilación.

Recibió numberosos galardones y reconocencies nacionales ya internacionales. Ente ellos destaquen el Premiu de Distinción de l'Asociación Xemolóxica de Gran Bretaña y el Premiu Muyeres Investigadores y Científiques. En 2001 foi-y concedida la Medaya d'Andalucía por contribuyir « cola so actividá docente a la formación d'un importante grupu de discípulos, faciendo qu'Andalucía sía referencia destacada na investigación mundial sobre Mineraloxía».

Referencies[editar | editar la fonte]

  • Esti artículu incorpora testu del «47/2001, de 22 de febreru» del Boletín Oficial de la Xunta d'Andalucía, llibre de restricciones en virtú del derechu d'autor de conformidá colo dispuesto nel artículu 13 de la Llei de Propiedá Intelectual española. Vease cabecera de la páxina de discutiniu.
Purificación Fenoll