Prunus spinosa

De Wikipedia
Prunal
Prunal.
Prunal.
Clasificación científica
Reinu:Plantae
División:Magnoliophyta
Clas:Magnoliopsida
Orde:Rosales
Familia:Rosaceae
Xéneru:Prunus
Especie:P.spinosa
Nome binomial
Prunus spinosa
,

La prunal[1] (tamién brunal[2]) o l'andrinal[3], de nome científicu Prunus spinosa[4], ye un arbustu caducifoliu, mui enmarañau ya espinosu que pue algamar hasta 4 metros d'altura. Delles vegaes trafúlcase pol so aspeutu cola nisal montés (Prunus insititia).

Suel alcontrase ensamando grandes espesures, gracies a la so cenciella reproducción per aciu de retueyos que bilten de les sos raiceres. Tien rames diverxentes, pardu-escures, más o menos peludes na xuventú y con espines; el tayu vieyu, per contra, tien la carpeza o corteya abuxáo.

Les sos rames espinoses sofiten fueyes pequeñes ya ovales, y peciolaes d'implantación alterno.

Les flores son blanques y pentámeres. La so apertura tien llugar enantes de l'apaecimientu de les primeres fueyes. Demientres l'iviernu, cáen-y les fueyes y na primavera, enantes que bilte el nuevu follaxe, apaecen les flores.

El frutu[editar | editar la fonte]

El prunu[5] o andrín[6] (tamién coles formes alternatives brunu[7] y endrín[8], amás de les llocuciones prunu andrín o prunu ciegu) ye'l frutu d'esti árbol, mui común nos montes españoles. Del tamañu d'una canica, (el diámetru típicu, cuando'l frutu tá mauru, ye d'unos 10 a 14 milímetros de diámetru) y de mena ovalao. El color pue ser azuláu, violaceu o negruzu. Pelleyu aterciopeláu y tastu agridulce. Ye un frutu abondo apreciáu pa la ellaboración del pacharán.

Otros nomes[editar | editar la fonte]

En Sobrescobiu ta rexistráu'l nome de cáparu pa esti árbol[9].


Referencies[editar | editar la fonte]

  1. Esti términu apaez nel Diccionariu de l'Academia de la Llingua Asturiana. Ver: prunal
  2. Esti términu apaez nel Diccionariu de l'Academia de la Llingua Asturiana. Ver: brunal
  3. Esti términu apaez nel Diccionariu de l'Academia de la Llingua Asturiana. Ver: andrinal
  4. Nomenclátor de los seres vivos en llingua asturiana, Sabencia - Sociedá Asturiana de les Ciencies. Consulta on-line
  5. Esti términu apaez nel Diccionariu de l'Academia de la Llingua Asturiana. Ver: prunu
  6. Esti términu apaez nel Diccionariu de l'Academia de la Llingua Asturiana. Ver: andrín
  7. Esti términu apaez nel Diccionariu de l'Academia de la Llingua Asturiana. Ver: brunu
  8. Esti términu apaez nel Diccionariu de l'Academia de la Llingua Asturiana. Ver: endrín
  9. El Diccionario General de la Lengua Asturiana tien una definición pa cáparu.