Prunus spinosa
Prunal | ||||||||||||||
![]() Prunal. | ||||||||||||||
| ||||||||||||||
Prunus spinosa , | ||||||||||||||
La prunal[1] (tamién brunal[2]) o l'andrinal[3] ye un arbustu caducifoliu, mui enmarañau ya espinosu que pue algamar hasta 4 metros d'altura. Delles vegaes trafúlcase pol so aspeutu cola Nisal montés (Prunus insititia).
Suel alcontrase ensamando grandes espesures, gracies a la so cenciella reproducción per aciu de retueyos que bilten de les sos raiceres. Tien rames diverxentes, pardu-escures, más o menos peludes na xuventú y con espines; el tayu vieyu, per contra, tien la carpeza o corteya abuxáo.
Les sos rames espinoses sofiten fueyes pequeñes ya ovales, y peciolaes d'implantación alterno.
Les flores son blanques y pentámeres. La so apertura tien llugar enantes de l'apaecimientu de les primeres fueyes. Demientres l'iviernu, cáen-y les fueyes y na primavera, enantes que bilte el nueu follaxe, apaecen les flores.
El frutu[editar | editar la fonte]
El prunu[4] o andrín[5] (tamién coles formes alternatives brunu[6] y endrín[7], amás de les llocuciones prunu andrín o prunu ciegu) ye'l frutu d'esti árbol, mui común nos montes españoles. Del tamañu d'una canica, (el diámetru típicu, cuando'l frutu tá mauru, ye d'unos 10 a 14 milímetros de diámetru) y de mena ovalao. El color pue ser azuláu, violaceu o negruzu. Pelleyu aterciopeláu y tastu agridulce. Ye un frutu abondo apreciáu pa la ellaboración del pacharán.
- Endrino en flor alrededores Fuentelahiguera 2007-05-12.jpg
Prunal en flor
- Flores endrino alrededores Fuentelahiguera 2007-05-12.jpg
Flores prunal
Otros nomes[editar | editar la fonte]
En Sobrescobiu ta rexistráu'l nome de cáparu pa esti árbol[8].
Referencies[editar | editar la fonte]
- ↑ Esti términu apaez nel Diccionariu de l'Academia de la Llingua Asturiana. Ver: prunal
- ↑ Esti términu apaez nel Diccionariu de l'Academia de la Llingua Asturiana. Ver: brunal
- ↑ Esti términu apaez nel Diccionariu de l'Academia de la Llingua Asturiana. Ver: andrinal
- ↑ Esti términu apaez nel Diccionariu de l'Academia de la Llingua Asturiana. Ver: prunu
- ↑ Esti términu apaez nel Diccionariu de l'Academia de la Llingua Asturiana. Ver: andrín
- ↑ Esti términu apaez nel Diccionariu de l'Academia de la Llingua Asturiana. Ver: brunu
- ↑ Esti términu apaez nel Diccionariu de l'Academia de la Llingua Asturiana. Ver: endrín
- ↑ El Diccionariu Xeneral de la Llingua Asturiana tien una definición pa cáparu.