Pokémon mini

De Wikipedia
Saltar a navegación Saltar a la gueta
Consola pokémon mini, en color "Wooper blue".

El Pokémon mini, llanzáu nel añu 2001 por Nintendo, ye la consola portátil de videoxuegos más pequeña del mundu. Como'l so nome indica, ta puramente dedicada a pequeños y senciellos xuegos de la franquicia Pokémon (Pinballs, xuegos de cartes, ruempecabeces). Por estos motivos esta consola nun llogró'l mesmu gran ésitu de vientes que les otres consoles portátiles de Nintendo como la Game Boy Advance y la Nintendo DS, una y bones los títulos, amás de ser escasos n'Europa y Estaos Xuníos, son en blancu y negru.

Especificaciones técniques[editar | editar la fonte]

Consola comparada con una caxa de Fosforos.
  • Tamañu: 74 mm x 58 mm x 23 mm
  • Pesu: 70 gramos (incluyendo batería y cartuchu de xuegu)
  • Alimentación: 1 pila AAA
  • Duración de la pila: Aprosimao 60 horas

Carauterístiques[editar | editar la fonte]

Wooper Blue, Chikorita Green, and Smoochum Purple

  • Colores: El Pokémon mini vien en trés colories distintos, cada unu representando a un Pokémon: Chikorita (verde), Smoochum (moráu) y Wooper (azul).[1]
  • Función reloj: El Pokémon mini presenta amás un reló internu integráu, que va amosar les horas, los minutos y los segundos anque la consola tea apagada. Obviamente, el reló ye ajustable.
  • Sensor de movimientos: Una novedá nesti sistema ye'l sensor de movimientos qu'inclúi, y que dexa al xugador controlar a los Pokémon de la pantalla namái con cimblar la mano.
  • Función infrarroxa: Otra gran novedá d'esta miniconsola ye la capacidá de conectase ente sigo per mediu de los puertos infrarroxos integraos (según el cable link ente dos Game Boy Advance) pa xuegos multijugador

Llista de xuegos[editar | editar la fonte]

  • Pokemon Party mini: Colección de minijuegos como Hitmonchan's Boxing, Pikachu's Rocket Start, Bellossom's Dance, Chansey's Dribble, Slowking's Judge, Sneasel's Fakeout, ente otros.
  • Pokemon Pinball mini
  • Pokemon Puzzle Collection
  • Pokemon Tetris mini
  • Pokemon Zany Cards

Referencies[editar | editar la fonte]

  1. (n'inglés) Available colors. Web oficial. Consultáu'l 4 de setiembre de 2014.



Pokémon mini