Pirámides d'Exiptu

Coordenaes: 29°58′21″N 31°07′42″E / 29.9725°N 31.1283°E / 29.9725; 31.1283
De Wikipedia
Pirámides d'Exiptu
atraición turística
Llocalización
Coordenaes 29°58′21″N 31°07′42″E / 29.9725°N 31.1283°E / 29.9725; 31.1283
Pirámides d'Exiptu alcuéntrase n'Exiptu
Pirámides d'Exiptu
Pirámides d'Exiptu
Pirámides d'Exiptu (Exiptu)
Cambiar los datos en Wikidata

La pirámide ye'l pilancu básicu del conxuntu arquiteutónicu del antiguu Exiptu, fechu col fin de da-y cultu al faraón. Ye la meyor espresión de l'arquiteutura del Reinu Antiguu. A pesar de que la principal función yera da-y cultu a los faraones muertos, munches nun foron enxamás emplegaes como tumbes. Les trés grandes pirámides de Giza, y en concretu La Gran Pirámide de Giza, fecha construyir por Keops (Khufu), ye una de les siete Maraviyes del Mundu Antiguu.

Antecedentes históricos[editar | editar la fonte]

Mastaba Ouserkafânkh

Nun se tardó en venceyar los pequeños montículos de llimu fértil que xorrecíen tres el descensu de les agües del Nilu, col ñacer y el desendolcu de la vida. La mastaba, construcción asemeyada al prisma, yera la sepultura de los soberanos nel periodu arcaicu d'Exiptu. Les razones del pasu de "les mastabes" a les pirámides nun son del too nidies, pero vese nelles el procuru d'algamar un altor cada vez más significativu, p'amosar la importancia y el poder del faraón difuntu. Estes construcciones teníen una parte amosable, y taben recubiertes por un montículu de sable, símbolu del alborecer, y del surdimientu de la otra vida. Nos primeros santuarios, como'l de Nekhen (Hieracómpolis), venceyaos a los reis, púdose documentar construcciones asemeyaes. El faraón representa al dios creador, y tien que caltener el ciclu vital que-y da l'orixe a la vida. Nacencia y renacimientu entemécense. Lo que nun aniciu yera solamente una tumba, pasa a ser tamién la morada del difuntu, y tien qu'afayar nel interior tolo necesario pa la subsistencia. Esto surde na Dinastía I, cuando la tumba entama a escarbase nel suelu. El conceutu d'averamientu a la cúpula celeste, y la elevación de camín al sol, aníciase na Dinastía III, faciendo d'esto una revolución, tanto ideolóxica como arquiteutónica.

Morfoloxía de les pirámides[editar | editar la fonte]

La Mastaba del Faraón, en Saqqara.

El conxuntu taba formáu, amás de pola pirámide, por un recintu arrodiáu per una muria con un camín de ronda na parte cimera de la construcción, tenía resaltos defensivos, y dientro, nel recintu, asitiábase'l templu mortuoriu. Estes construcciones esteriores, afitaben el bienestar del faraón. El recintu podía incluyir pirámides secundaries qu'asitiábense nel ángulu esquierdu de la entrada. L'accesu facíase per una rampla que daba al templu del valle o templu baxu. Na pirámide de forma escalonada de Saqqara, afáyase amás un recintu del festival que nun apaez n'otres pirámides. Les 4 cares de la pirámide empobinábense a los 4 puntos cardinales y l'exe mayor del recintu xeneralmente nel sen oeste, el templu mortuoriu daba a la fastera este y les pirámides subsidiaries nel ángulu sureste.

La mayoría de les pirámides permitíen l'accesu al interior, a traviés d'un pasadizu descendente abiertu na fastera norte. El techu de la cámara mortuoria formábenlu los bloques mayores y más pesaos de tola estructura.

A la forma de les pirámides llegóse como'l desendolcu llóxicu de la Pirámide escalonada de Saqqara, la más vieya de toes. Esta mandóse construyir por Imhotep pal faraón Dyeser, como superposición de mastabes.

Tipoloxía de les Pirámides[editar | editar la fonte]

La pirámide escalonada[editar | editar la fonte]

Pirámide escalonada de Zoser

La primer tumba de piedra enxamás construyida atribúise a Imhotep. El nome d'esti arquiteutu atopóse al pie d'una estatua del faraón, asitiada al llau de la tumba. Los llogros d'Imhotep yeren llexendarios yá na antigüedá.

Nun se fizo aislladamente, sinón formando parte d'un conxuntu d'edificios y patios venceyaos con diverses ceremonies funeraries dedicaes al faraón. El centru del monumentu consiste nuna estructura sólida a mou de caxa allargada y l'interior ta formáu por bloques de piedra trayíos de la redolada, l'esterior ye de piedra caliar fina trayía de les canteres de Tura, más allonxaes. Na fastera norte entamóse a facer un templu funerariu, pero enantes de finar decidióse espurrir la pirámide peles fachaes norte y oeste. Para finar una cabera ampliación de la pirámide afeutó a los sos cuatro llaos. Completáronse los seis peldaños y el conxuntu revistióse con piedra caliar de Tura. La parte soterránea d'esti conxuntu consistía nun pozu fondu que daba l'accesu a un complicáu llaberintu de corredores y cámares de munchos tamaños.

Les pirámides clásiques[editar | editar la fonte]

Pirámides de Jufu (Keops), Jafra (Kefrén) y Menkaura (Micerino), en Guiza.

Ta nidio que la pirámide como güei la entendemos, (monumentu de base cuadrada y llaos en rampla en direición a la estaya cimera de la pirámide), deriva de la pirámide escalonada. Afortunadamente conozse esa transición gracies al estudiu de los restos d'una pirámide parcialmente esbarrumbada en Meidum. Esta pirámide taba formada por un nucleu compuestu de varies estayes de mampostería qu'amenorgaben n'altor dende'l centru hacia los llaos y afitábense enriba d'un cuerpu central faciendo un ángulu de 75 graos. Paez ser qu'esti mesmu métodu emplegóse polos constructores de les pirámides de la V dinastía. Nun ta nidio que les trés pirámides de Gizeh se ficieren siguiendo esti sistema. Como norma xeneral, la tumba real tenía d'asitiase al oeste del Nilu, llugar de la puesta o aséu del sol, y penriba del nivel del ríu, pa evitar que les llenes o inundaciones periódiques afeutaren al monumentu.

Pirámide de Meidoum

Otru detalle yera que nun podía construyise mui llonxe del ríu, yá que les piedres tresportábense dende les canteres per vía fluvial. Lo perfecho yera qu'amás nun s'asitiara enforma allonxada a dalgún nucleu urbanu. Una vegada elixíu'l llugar, preparábase'l tarrén llimpiándolu de tol sable superficial hasta atopar cola roca vivo, onde teníen de sofitase los cimientos. Esta roca nivelábase per aciu d'un complexu proceder. A vegaes, ensin embargu, dexábase una prominencia nel centru y aprovecíase pa la construcción de la futurible pirámide.

Pa finar, asegurábense que los cuatro llaos del monumentu tuvieren empobinaos hacia los cuatro puntos cardinales. La orientación de la pirámide debió facese faciendo observaciones a los cuerpos celestes, darréu que los exipcios desconocíen la brúxula. El faraón marcaba la llinia de los cuatro llaos y una güeyando l'asitiamientu de les estrelles. Nesta observación ayudábalu un sacerdote na representación del dios Thoth.

La construcción[editar | editar la fonte]

Les pirámides amuesen, pa la so dómina, el gran conocimientu de los téunicos exipcios y la capacidá organizativa necesaria pa facer tales monumentos con medios persimples, poro, nin un res paez indicar que ficiera falta una teunoloxía superior de la que disponíen los exipcios, representada por "inxenios" de madera, trineos, claplones y tamién siendo posible l'usu de la rueda, cola forma de rodiellos de madera, y les ramples.

Interpretación, según Antoine-Yves Goguet (1820), de la construcción de la Gran pirámide descrita por Herodotu.

Cenciellamente nun se sabe cómo foron a construyir les pirámides, especialmente si tenemos en cuenta'l númberu de bloques de la Gran Pirámide y el tiempu que, según les fontes tardaron en construyila. Una rápida estimación, indícanos que los exipcios debieron poner un bloque cada cinco minutos, o menos.

La bayura de bloques de piedra, cortábase en canteres allugaes al llau de la construcción. Apurríense otros dende les canteres del sur del país cola ayuda de xigantesques barcaces. Los bloques asitiábanse a continuación enriba de chaplones y abasnábense cola fuercia de los brazos hasta'l llugar definitivu.

Enantes procedíase a llimpiar el tarrén y escarbar canales pa enllenales d'agua, pa poder marcar llinies de nivel coles que preparar una superficie horizontal. Dempués enllenábense los riegos. De siguío escavábase la cámara soterránea y entamábase la edificación.

Teoríes del mou de construcción[editar | editar la fonte]

Esisten bayura de teoríes, meramente especulatives, tocante al métodu de construyir les pirámides exipcies, pero los especialistes nun se ponen d'alcuerdu en munchos puntos, debío a la total ausencia de documentos d'eses dómines, que cunten el procesu siguíu pa erixiles. Dalgunes d'estes teoríes son:

  • Ensin ramples: según-y dixeron a Herodotu los sacerdotes exipcios, entamaben construyendo una serie de "grades", y utilizando "inxenios" de madera, empobinaben los bloques dende'l suelu a la primer "grada", llueu a la segunda, y asina socesivamente. Ye'l mou más llóxicu de construyir, y postreramente convirtióse nel usáu polos griegos, romanos, maestros d'obres medievales, etc., con "inxenios" de madera.
  • Rampla incrementada: la construcción realizábase faciendo una gran rampla de sable, rectillinia, qu'aumentaba d'altor y anchor según medraba la pirámide. Presenta, ente otres, la dificultá d'agrandar la rampla y el gran volume d'esta, superior inclusive al de la pirámide y el trabayu requeríu pa montala y desmontala.
  • Bayura de ramples: les piedres llevantábense penriba de cada filera p'acceder a la siguiente estaya. De llevase a cabu la construcción tendríen que salvar, ente otres, la gran dificultá que supón colocar los caberos bloques de cada estaya.
  • Rampla interior: l'arquiteutu francés Jean-Pierre Houdin asoleyó n'abril de 2007 la teoría, según la que les piedres de la Gran Pirámide de Giza, foron empobinaes per una rampla esterior tradicional hasta un altor de 45 metros. Dende ehí los bloques yeren xubíos per una rampla n'espiral, fecha dientro de la pirámide. Según esta teoría les piedres yeren desplazaes per aciu de la fuercia humana nos tramos reutos y, en cada curva, yeren llevantaes per aciu de cuerdes, para xirar les piedres.

Según Houdin el túnel siguiría esistiendo güei día[1]. Esta hipótesis podría dar veracidá a les narraciones d'Herodotu y Plinio'l Vieyu rellumando rellatos de cámares soterránees de la pirámide (sic)[2], siendo quiciabes la perconocida Cámara d'Horus o "tumba-islla".

Diez foron, como digo, los años que s'emplegaron na construcción d'esa calzada (procesional) y de les cámares soterranees del cuetu enriba de la que s'alcen les pirámides, cámares que, pa que-y sirvieren de sepultura, Keops fízose construyir –empobinando hasta ellí una canal con agua procedente del Nilu nuna islla. (Herodotu, Historia, Llibru II, 124,4)

El xefe del Conseyu Superior d'Antigüedaes exipciu, Zahi Hawass, dixo que sólo ye una hipótesis más y que, pol momentu, nun concederá permisu d'escavación na Gran Pirámide.

Simbolismu de les Pirámides[editar | editar la fonte]

La forma de les pirámides exipcies camiéntase pa representar el montón primixeneu. La mayoría de les pirámides foron feches con piedra caliar cande y nidia, perrellumante, pa da-y un aspeutu brillante cuando se columbraben dende llonxe. Munches vegaes, les pirámides recibieron el nome según la forma na que rellumaben los rayos del sol. Por exemplu, el nome formal de la pirámide en Dahshur yera la pirámide brillante meridional. D'otra parte, xeneralmente les pirámides yeren monumentos d'entierru.

Númberu y llocalización de les pirámides[editar | editar la fonte]

El númberu de les pirámides n'Exiptu ye pa la mayoría de los espertos, ente 81 y 112. En 1842 Richard Lepsius fizo una llista de les pirámides, nes que él cuntó 67, pero asoleyáronse munches mas dende esa fecha. Esti baille de cifres, débese al fechu del estáu nel que s'atopen la mayoría, esbarrumbaes o en cadarmes. Hay bayura d'elles, y xeográficamente alcuéntrense nel sur.

Abu Rawash[editar | editar la fonte]

Pirámide de Abu Rawash

La pirámide de Djedefre ta esbarrumbada casi toa, pertenceció al tercer faraón de la dinastía IV d'Exiptu: Djedefre ó Dyedefra, socesor y fíu de Jufu. Anicialmente camentóse qu'esta pirámide nun foi finada, pero anguaño, les tendencies son de que nun solo s'acabó sinón que yera de tamañu asemeyáu a la pirámide de Menkaure, y sería de les 6 mas grandes d'Exiptu. Créese que la pirámide usóse como cantera dende la época romana, y que los sos bloques de piedra usáronse durante sieglos pa construyir otres edificaciones.

Giza[editar | editar la fonte]

En Giza asítiase na pirámide de Khufu (tamién conocída como la "Gran piramide", la pirámide más pequeña de Khafre (o de Kephren); la pirámide Menkaure (o de Mykerinos), xunto con un númberu d'edificios que básense nos satélites más pequeños, conocíos como "pirámides de la reina", y la gran "esfinxe". De los trés, solamente la pirámide de Khafre's caltién la parte cimera de la so cubierta nidia orixinal de piedra caliar. Esta pirámide apaez más grande que la pirámide averada de Khufu, pero esto débese a que la so llocalización tien mas altor, y l'ángulu ye más escarpáu. La necrópolis de Giza ye un destín turísticu popular dende l'antigüedá, y fízose popular na dómina helenística, na que se denomó la gran pirámide, y una de les siete maraviyes del mundu. Anguaño sigue siendo la única d'eses maraviyes esistentes.

Abu Sir[editar | editar la fonte]

Hai siete pirámides nesti sitiu, que foi la necrópolis real principal demientres la quinta dinastía. La calidá de la construcción de les pirámides del sir d'Abu ye inferior a les de la cuarta dinastía - quiciabes a una economía n'hores baxes. Son más pequeñes que les anteriores y construyéronse de la piedra caliar llocal de baxa calidá. Les tres pirámides principales son les de Niuserre (que ye la meyor conservada), la de Neferirkare Kakai y de Sahure. Toles pirámides principales nel sir d'Abu foron construyíes como pirámides de pasu, anque la más grande d'elles - la pirámide de Neferirkare Kakai - créyese qu'algamó un altor de 70 metros, y dempués esborróse, dempués remocicóse y tresformóse con materiales probes.

Saqqara[editar | editar la fonte]

Pirámide de saqqara

Les pirámides importantes asities equí inclúin la pirámide de pasu de Djozer - identificada xeneralmente como la estructura monumental más vieya fecha con piedra acabada, tamién ta la pirámide de Merykare, la d'Userkaf y la pirámide de Teti. Tamién en Saqqara ta la pirámide d'Unas, que caltién una calzada de la pirámide que ye una de les meyores conservaes d'Exiptu. Saqqara ye tamién la llocalización de la pirámide ensin finar del pasu del socesor Sekhemkhet de Djozer's, conocida como la pirámide baxotierra. Los arqueólogos camienten que si esta pirámide se finara, sería más grande que Djozer's. El sur del campu principal de la pirámide en Saqqara, ye una segunda coleición de pirámides más pequeñes y actuales, incluyendo les de Pepi I, Isesi, Merenre, Ibi, Pepi II y de Shepseskaf. La mayoría d'estes tán nun estáu probe.

Dahshur[editar | editar la fonte]

pirámide de Dahsur

Esti área ye'l más importante de Giza esterior y Saqqara, anque hasta 1996 el sitiu yera inaccesible darréu del so allugamientu dientro d'una base militar, poro, el círculu arqueolóxicu del esterior yera desconocíu. La pirámide meridional de Sneferu, camiéntase que foi la primer en crear una pirámide colos llaos nidios. Nesto yera un ésitu parcial; sigui siendo la única que caltién una proporción significativa de la so cubierta orixinal de piedra caliar, y sirve como'l meyor exemplu del aspeutu lluminosu común a toles pirámides nel so estáu orixinal. La pirámide del norte, o bermeya, construyida na mesma llocalización que Sneferu yera más alantre terminada como la pirámide nidia. En cuntes a la escuridá, la pirámide bermeya ye quiciabes la tercera pirámide más grande d'Exiptu - dempués de les pirámides de Khufu y de Khafre en Giza. En Dahshur ta la pirámide prieta d'Amenemhet III.

Meidum[editar | editar la fonte]

Pirámide de Meidum

La Pirámide d'Sneferu en Meidum, arrodiada per un monte del escombriu de cubierta esterna esbarrumbada. La pirámide Meidum ye una de les trés construyíes demientres el reináu de Sneferu. Dalgunos arqueólogos tamién suxeren que la pirámide de Meidum pudo ser la primer tentativa que fracasó na construcción d'una pirámide nidia y echada a un llau. La pirámide tuvo un esbarrumbamientu catastróficu na antigüedá, y solamente les partes centrales de la so base interna se caltienen, dándo-y un aspeutu únicu ente les pirámides exipcies. La cume que ta enriba de la pirámide nun ye carauterística natural del paisaxe, ye'l monte pequeñu de les ruines.

Lisht[editar | editar la fonte]

Les dos pirámides mas importantes son les d'Amenemhat I y el so fíu, Senusret I. La del caberu ta arrodiada poles ruines de diez pirámides más pequeñes. Una d'estes pirámides sábese que ye la del primu d'Amenemhat's, Khaba II. Ta asitiada na vecindá del oasis de Fayyum, a metada de la distancia ente Dahshur y Meidum, y a cerca de 100 quilómetros de sur d'El Cairu, créese que sirvió como capital d'Exiptu demientres la 12ª dinastía.

El-Lahun[editar | editar la fonte]

La Pirámide de Senusret II en El-Lahun.

La pirámide de Senusret II n'El-Lahun ye la estructura asitiada más al sur de la pirámide de la real-tumba d'Exiptu. Los sos constructores reduxeron la cantidá de trabayu necesariu pa facela usando una colina natural de piedra caliar de 12 metros d'altor.

Mazghuna[editar | editar la fonte]

Asítiase al sur de Dahshur, esta fastera foi utilizada nel primer periodu intermediu por varios reis que ficieron les sos pirámides de lladriyu de barru. Estes estructures son güei peroscures.

Zawyet el-Aryan[editar | editar la fonte]

Ta asitiada, a mediu camín ente Giza y el sur d'Abu, y ye la llocalización pa dos vieyes pirámides inacabaes del reinu. Los espertos camienten que'l dueñu de la estructura del norte ye'l Faraón Nebka, demientres que la estructura meridional atribúise al tercer faraón de la dinastía Khaba, tamién conocíu como Hudjefa, socesor de Sekhemkhet. Anguaño tien aproximadamente venti metros d'altor, y d'acabase, llegaría a los 40m.

Hawara[editar | editar la fonte]

Pirámide de Hawara

Amenemhet III yera'l faraón más importante de la 12ª dinastía, y la pirámide qu'él fizo en Hawarra, averada a Faiyum, créese que ye posterior y fízose siguiendo'l mesmu patrón en Dahshur.

Feches de construcción[editar | editar la fonte]

Les tables siguientes venceyen les feches de construccion, el faraón qu'encamienta facer la pirámide y l'asitiamientu.

Pirámide/ Faraón feches Asitiamientu
Djozer c. 2630 - 2612 e.C. Saqqara
Sneferu c. 2612 - 2589 e.C. Dashur
Sneferu c. 2612 - 2589 e.C. Dashur
Sneferu c. 2612 - 2589 e.C. Meidum
Khufu c. 2589 - 2566 e.C. Giza
Djedefre c. 2566 - 2558 e.C. Abu Rawash
Khafre c. 2558 - 2532 e.C. Giza
Menkaure c. 2532 - 2504 e.C. Giza
Sahure c. 2487 - 2477 e.C. Abu Sir
Neferirkare Kakai c. 2477 - 2467 e.C. Abu Sir
Nyuserre Ini c. 2416 - 2392 e.C. Abu Sir
Amenemhat I c. 1991 - 1962 e.C. Lisht
Senusret I c. 1971 - 1926 e.C. Lisht
Senusret II c. 1897 - 1878 e.C. el-Lahun
Amenemhat III c. 1860 - 1814 e.C. Hawara

Referencies[editar | editar la fonte]

  1. Noticies con historia, nᵘ 103 de La aventura de la Historia, Arlanza Ediciones, Madrid, mayu de 2007, ISSN 1579-427X
  2. Jevenois, Pablo, l'enigma de Keops, nᵘ 83 de La aventura de la Historia, Arlanza Ediciones, Madrid, xunetu de 2006, ISSN1579-427X

Enllaces esternos[editar | editar la fonte]