Pi Aurigae

De Wikipedia
Saltar a navegación Saltar a la gueta
Pi Aurigae
Pi Aurigae
Constelación Auriga
Ascensión reuta α 05h 59min 56,10s
Declinación δ +45º 56’ 12,2’’
Distancia 840 ± 180 años lluz
Magnitú visual +4,30
Magnitú absoluta -2,76
Lluminosidá 9000 soles
Temperatura 3490 K
Masa 5 soles (aprox)
Radiu 265 soles
Tipu espectral M3II
Velocidá radial +0,8 km/s

Pi Aurigae (π Aur / 35 Aurigae / HD 40239) ye una estrella na constelación d'Auriga, asitiada 1 minutu d'arcu al norte de Menkalinan (β Aurigae). Con magnitú aparente +4,30, alcuéntrase a 840 años lluz de distancia del Sistema Solar.

Pi Aurigae ye una xigante colorada lluminosa de tipu espectral M3II.[1] La so temperatura superficial ye de 3490 K y ye 9000 vegaes más lluminosa qu'el Sol. El so radiu, calculáu a partir de la midida direuta del so diámetru angular per aciu interferometría, ye 265 vegaes mayor qu'el radiu solar —23% mayor que la distancia ente la Tierra y el Sol—. Estos parámetros dexen envalorar la so masa nunes 5 vegaes la masa solar, y amuesen que la estrella ta aumentando la so lluminosidá como estrella xigante per segunda vegada, con un nucleu inerte de carbonu y oxíxenu, elementos procedentes de la fusión nuclear del heliu.[2]

Pi Aurigae tien una edá averada de 100 millones d'años, pero namái fai 13 millones empezó la so evolución como una estrella xigante. Catalogada como una variable irregular que la so variación de rellumu ye de 0,1 magnitúes,[3] nun futuru probablemente va convertise nuna estrella variable Mira.[2] Per otra parte, ye una estrella visible» nel espectro de radiofrecuencies.[2]

Referencies[editar | editar la fonte]