Pi Andromedae

De Wikipedia
Saltar a navegación Saltar a la gueta
Pi Andromedae
Pi Andromedae A/B
Constelación Andrómeda
Ascensión reuta α 00h 36min 52,8/53,2s
Declinación δ +33º 43/42’ 10/34’’
Distancia 656 años lluz
Magnitú visual +4,33 (conxunta)
Magnitú absoluta -2,18 (conxunta)
Lluminosidá 2000 / ? soles
Tipu espectral B5V / A6V
Velocidá radial +8,7 km/s

Pi Andromedae (π And / 29 Andromedae / HD 3369) ye un sistema estelar na constelación d'Andrómeda asitiáu a 656 años lluz del Sistema Solar.

Nun primer aproximamientu, Pi Andromedae apaez como una estrella binaria visual formada por una estrella azul de magnitú aparente +4,34, denomada Pi Andromedae A, y una acompañante más tenue de magnitú +8,61, que recibe'l nome de Pi Andromedae B. Visualmente los dos tópense separaes 36 segundos d'arcu.

Pi Andromedae A (HR 154 / SAO 54033) ye una estrella azul de tipu espectral B5V[1] con una lluminosidá 2000 vegaes mayor que la lluminosidá solar. Descomanadamente brillosu pa una estrella de la so clase, ello debe a que Pi Andromedae A ye, de la mesma, una binaria espectroscópica con un periodu orbital de 143,53 díes.[2] Asumiendo que los dos componentes son iguales -anque bien pudiera nun ser el casu- la masa de caúna d'elles ye 5 vegaes mayor que la masa solar, correspondiendo al sistema una edá de 80 millones d'años. La separación media ente les dos estrelles ye de 1,3 UA, magar la escentricidá de la órbita fai qu'esta varie ente 0,6 y 2,1 UA.[3]

Pi Andromedae B (SAO 54034) ye una estrella blanca de la secuencia principal de tipu A6V.[4] Dixebrada siquier 7200 UA de la estrella binaria azul, completa una órbita alredor d'ella cada 175.000 años —siendo este'l valor mínimu.[3]

Esiste una tercer estrella de magnitú 13 asitiada visualmente a 55 segundos d'arcu de la estrella principal,[5] que probablemente nun forma parte del sistema siendo namái una compañera óptica. Sicasí, l'estudiu de la rexón cercana al par interior reveló la posible esistencia d'otra acompañante adicional, una nana naranxa a unes 40 UA de distancia que completaría una órbita cada 80 años aprosimao.[3]

Referencies[editar | editar la fonte]

Coordenaes: Sky map 0h 36m 52.849s, 33° 43 9.638