Peter Pan

De Uiquipedia
Saltar a: navegación, buscar
Portada del llibru orixinal

Peter Pan ye'l nome del personaxe ficticiu creáu pol escritor escocés James Matthew Barrie pa una obra de teatru que se representó en Londres el 27 d'avientu de 1904.

Según el cuentu de Barrie, Peter ye un guaḥe pequeñu que nun quier medrar y que vive xunto a un grupu formáu por neños de la mesma edá qu'elli, y que se llamen los Neños Perdíos, nel País d'Enxamás, una islla onde s'atopen tanto pirates, mandaos pol Capitán Gabitu, como faes y serenes, y onde Peter Pan vive abondes aventures fantástiques demientres tol tiempu.

Inspiración del personaxe[editar | editar la fonte]

J.M. Barrie creó al personaxe de Peter Pan n'histories que contaba a los fíos de la so amiga Sylvia Llewelyn Davies, cola que tuviera una rellación mui especial.

El nome del personaxe tuvo'l so aniciu a partir de dos términos estremaos:

  • Del nome del fíu menor de Sylvia, llamáu Peter Llewelyn Davies.
  • Del nome del Dios griegu de la biesca, Pan.

Tamién se mencionó que la inspiración directa pal personax foi l'hermanu mayor de Barrie, llamáu David, que morrió a la edá de 13 años nun accidente y esto afectó fondamente a so madre. Sigún Andrew Birkin (autor de "J. M. Barrie y los neños perdíos"), la muerte de David foi una catástrofe difícil d'asumir y de la qu'ella nunca se recuperó.

J.M.Barrie y el neño nel que se basó pa crear a Peter Pan

Na adaptación fílmica Finding Neverland (Guetando'l País d'Enxamás) ye posible analizar de forma breve y sintetizada la manera argumental na que l'autor -interpretáu por Johnny Depp-, concluyó na realización del personaxe a través de la so rellación sentimental cola familia de Sylvia Llewelyn Davies -interpretada por Kate Winslet -.

Barrie escribió trés obres en total sobro Peter:

  • Peter Pan in Kensington Gardens / Peter Pan nos Xardinos de Kensington
  • The Boy Who Wouldn´t Grow Up / El neñu que nun quería medrar
  • Peter Pan and Wendy / Peter Pan y Wendy