Pere Miquel Carbonell

De Wikipedia
Saltar a navegación Saltar a la gueta
Pere Miquel Carbonell
Vida
Nacimientu Barcelona8  de febreru[[(Gregorianu)]]
Nacionalidá Corona d'Aragón
Fallecimientu

Barcelona2  d'abril[[(Gregorianu)]]

(83 años)
Estudios
Llingües catalán
Llatín
Oficiu
Oficiu autor, poeta, xurista, historiador, archiveru y escritor
Cambiar los datos en Wikidata
Pere Miquel Carbonell

Pere Miquel Carbonell i de Solsona (Barcelona, 8 de febreru de 1434 - 2 d'abril de 1517) foi un historiador, notariu, humanista y poeta catalán.

En 1458 foi nomáu notariu públicu pol rei Alfonsu V d'Aragón, cargu que foi ratificáu por Xuan II d'Aragón. Esti últimu monarca nomólu en 1476 archiveru y escriba real.

Foi un entusiasta de los cambeos que se producieron na cultura catalana a partir de mediaos del sieglu XV lo que lu llevó a refugar en parte l'anterior tradición cultural. Yera un gran aficionáu a les lletres clásiques y consiguió axuntar una destacada biblioteca. Yera tamién un destacáu calígrafu. Escribió diverses coples en catalán según una adaptación del francés d'una Danza de la muerte con poca calidá.

La so primer obra historiográfica ye una escoyeta, escrita en catalán, de los detalles de la enfermedá, muerte y entierru del rei Xuan II qu'escribió por encargu de Fernandu II d'Aragón. Escoyó'l llatín pa redactar una serie de quince biografíes d'eruditos, De viris illustribus catalanis suae tempestatis. La so obra más estensa ye Chròniques de Espanya qu'empezó a redactar en 1495. Ta basada en documentación del archivu real y foi concebida con un criteriu lliterariu.

En 1496, y tamién por encargu del rei Fernandu II, escribió una xenealoxía de los condes catalanes. La so obra Liber descriptionis reconciliatonisque purgationis et condemnationis haereticorum (1516), resume de los procesos realizaos pola Inquisición en Barcelona, convirtióse nuna de les principales fontes pal estudiu de los judaizantes. Ye remarcable tamién el espistolario que caltuvo con diversos humanistes italianos y con escritores contemporaneos y que foi arrexuntáu y editáu en 1864 por Manuel de Bofarull, archiveru de la Corona d'Aragón.

Obres[editar | editar la fonte]

  • Obra brocada de la gloriosa Madalena parlant de penitentia (1454)
  • Diuae Mariae Magdalenae oratio (1454)
  • Correspondencia con Joan Vilar (1475)
  • Correspondencia con Jeroni Pau (1475 y ss)
  • Correspondencia con Guillem Fuster (1475)
  • Correspondencia con Lorenzo Lippio (1476)
  • De uiris illustribus catalanis (1476)
  • Suoer facto expulsionis hereticorum iuderumque... nec non recuperatione Comitatum Ruscionis et Cerritaniae (1493)
  • Epustula de consolatione pestilentiae (1494)
  • Genealogia dels comtes-reis (1496)
  • Dansa de la mort (1497)
  • Chròniques de Espanya (1513)
  • Liber descriptionis reconciliatonisque purgationis et condemnationis haereticorum (1516)
  • De exequiis sepultura et infirmitate Regis Ioannis Secundi (1517)
  • Episcoporum Barcinonensium... ordo et numerus
  • De la conservatió y duratió de la ciutat de Barcelona
  • Poemes catalans

Referencies[editar | editar la fonte]

Bibliografía[editar | editar la fonte]

Enllaces esternos[editar | editar la fonte]