Pepsi

De Wikipedia
Pepsi
marca
Llocalización
Sede Mushin (es) Traducir
Direición Estaos Xuníos
Forma xurídica PepsiCo
Historia
Fundación1893
Fundador Caleb Davis Bradham (es) Traducir
Orixe del nome pepsina (es) Traducir
Organigrama
Dueñu Ramon Laguarta
Sector
Industria PepsiCo
Productos destacaos Pepsi
Participación empresarial
Organización matriz PepsiCo
Formáu por Bébora
Bolsa de valores PepsiCo
Web oficial
Cambiar los datos en Wikidata

Pepsi ye una bebida carbonatao de cola d'orixe nos Estaos Xuníos, producida pola compaña PepsiCo, anguaño conocida en tol mundu. La so mayor competidora ye la tamién americana Coca-Cola.

Historia[editar | editar la fonte]

El nome[editar | editar la fonte]

En New Bern (Carolina del Norte), a entamos de 1890, el farmacéuticu Caleb Bradham influyenciáu pol ésitu de la Coca-Cola quiso remedar el tastu y testura de la mesma, polo que creó una bébora nomada "Brad's drink" (La bébora de Brad). Entemecía agua carbonatao, zucre, vainilla, dellos aceites, pepsina, y granos de cola. Como Pepsi foi diseñada orixinalmente pa curiar dolores d'estoxu, Bradham acuñó'l nome de Pepsi a partir de la enfermedá 'Dispepsia'. El nome rexistróse como marca comercial el 16 de xunu de 1903.

Entamos[editar | editar la fonte]

Caleb Bradham, como munchos farmaceúticos d'entamos de sieglu XX, tenía una fonte de soda na so botica, au aximistraba a los veceros bebíes refrescantes feches por él mesmu. Ehí foi au se sirvió Pepsi per primer vegada. Dempués de 17 años d'ésitu xorreciente, Caleb Bradham perdió la empresa. Camentando nuna subida del preciu del zucre, invirtió n'aiciones. El preciu del zucre cayó, y Pepsi Cola algamó la bancarrota en 1923. En 1931, la compaña de dulces "Loft Candy" mercó Pepsi Cola. El presidente de Loft, Charles G. Guth, reformuló los ingredientes de la popular bebida. En 1940, fizo historia cuando se tresmitió a nivel nacional el primer "Jingle" de publicidá. El so títulu: "Nickel Nickel", facía referencia rellación al so preciu. "Nickel Nickel" foi tou un acontecimientu mundial, tornáu a 55 idiomes desemeyaos.

Afitamientu[editar | editar la fonte]

Pepsi Cola algamó'l so primer ésitu vendiendo la so bebida en botelles de cerveza reciclaes, lo que-y permitía vender botelles más grandes por menor costu que Coca-Cola. D'esta miente, Pepsi acreditábase como la bebida de les clases baxes. No cabero de los años 1950, Pepsi invirtió grandes recursos al tratar de meyorar la so imaxe. Emitió gran cantidá de publicidá televisiva ya entamó l'emplegu de celebridaes pa vender el so productu. Medró y amosábase como un rival seriu pala corporación de Coca-Cola, magar que taba afitada en segundu llugar.

Nos años 1970, Pepsi entamó la estratexa mercaotéunica conocida como "La xeneración Pepsi", que diba empobinada pala xente xoven. Trabayaba baxo la premisa de qu'hai nuevos consumidores entamando'l so poder d'adquisición cada día, y que dexar de faer publicidá namái aporta a amenorgar les bases fundamentales a diario. Col envieyamientu de la xeneración de los "baby boomers" la publicidá de Pepsi tornóse en "La bebida que caltién la to xuventú".

La compaña[editar | editar la fonte]

PepsiCo, la compaña propietaria de Pepsi Cola, ye tamién dueña de marques como 7Up, Quaker Oats, Gatorade, Frito-Lay y Tropicana. A pesar d'esto, PepsiCo parez tar destináu a vivir abellugáu baxo la solombra de The Coca-Cola Company.

Una de les poques estayes del mundu nes que Pepsi tien ventes mayores que Coca-Cola, ye na provincia de Quebec en Canadá y n'Arabia Saudita. Tamién Venezuela ente 1969-1996 hasta'l camudamientu del embotellador llocal a Coca-Cola.

Otres bebíes direutamente asociaes a Pepsi son 7Up, Mirinda, Paso de los Toros y Teem


Referencies[editar | editar la fonte]

Enllaces esternos[editar | editar la fonte]