Organización Revolucionaria de Trabayadores

De Wikipedia
Saltar a navegación Saltar a la gueta
Organización Revolucionaria de Trabayadores
Secretaría xeneral José Sanroma Aldea
Fundación 1969
Disolución [[1979 ]][[2]]
Estáu Bandera d'España España
Ideoloxía política Marxismu-leninismu, maoísmu
Cambiar los datos en Wikidata

La Organización Revolucionaria de Trabayadores ( «Organización Revolucionaria de Trabajadores», ORT) foi un partíu políticu español d'ideoloxía marxista-leninista de llinia maoísta. El so secretariu xeneral foi José Sanroma Aldea (camarada Intxausti).

La ORT, a lo llargo de la so hestoria, tuvo la so mayor implantación nel País Vascu, Estremadura, La Rioxa y Madrid. En 1977, creó'l Sindicatu Xunitariu («Sindicato Unitario, S.U.»).

La so publicación foi'l periódicu «En Lucha», teniendo como editorial allegáu al partíu a Emiliano Escolar Editor. La Xunión de Mocedaes Maoístes (Unión de Juventudes Maoistas, UJM), la so organización xuvenil, espublizaba «Forja Comunista».

Historia[editar | editar la fonte]

La ORT constituyóse en 1969 n'Alcalá de Henares (Madrid). Tenía'l so orixe en medios católicos y bona parte de la so militancia inicial venía de la radicalización de l'«Aición Sindical de Trabajadores»(AST), un movimientu sindical católicu nacíu nes HOACHermandad Obrera de Aición Católica») y que tuvo cierta implantación en Madrid, Pamplona, Huelva y Torrelavega (Cantabria). Ente 1970 y 1971, la ORT sufrió graves dixebres de militantes que pasaron a otros grupos comunistes o que, sobremanera en Cataluña, xuniéronse a posiciones nacionalistes. A la fin d'esti procesu cuntaba apenes con 150 militantes, con presencia en Navarra, Huelva, Madrid y Estremadura. En 1974 el Comité Central de la ORT defínese como maoísta, lo que supunxo la separación del partíu de la direición inicial. Mientres los últimos años del franquismu y la Transición, la ORT taba dirixida pol camarada "Intxausti" (que la so verdadera personalidá nun se conoció hasta tiempu dempués), Manuel Guedán, Francisca Sauquillo y l'editor madrilanu Emiliano Escolar, conocíu como "Héctor Martín".

El 15 de xunu de 1977 allega a les eleiciones xenerales, so les sigles de la coalición «Agrupación Eleutoral de los Trabajadores» (AET), por cuenta de que nun se dexara la so llegalización entá, consiguiendo 77.575 votos (0,42 %). Tres la so llegalización, el 1 de marzu de 1979 nes eleiciones xenerales, preséntase como «Organización Revolucionaria de los Trabajadores» consiguiendo 127.517 votos (0,71 %).

El 3 d'abril de 1979, na so última participación, nes eleiciones municipales, llogra 102.000 votos (0,61 %), consiguiendo 33 conceyales, amás d'otros en dellos conceyos de la comunidá de Madrid, ente ellos Alcalá de Henares, Getafe y Leganés, según en Mérida y l'alcaldía d'Aranjuez (Madrid) y de Torremejía (Badayoz). Nestes eleiciones, la ORT y el «Partido del Trabajo de España», empecipiáu yá'l procesu de xunificación pero non concluyíu, tomen l'alcuerdu de sofitar a la candidatura con mayores posibilidaes de dambes organizaciones, intercambiando militantes nes mesmes, polo que nunos llugares la candidatura correspondería al PTE y n'otros a la ORT. Con esta estratexa, el conxuntu de lo que sería darréu'l PTE, consiguió 242.000 votos, 400 conceyales (11 d'ellos provinciales) y 20 alcaldes, pero anque se consiguió una bona representación municipal, la estratexa nun cumplió colo esperao, pos la suma conxunta de dambes organizaciones nes anteriores eleiciones xenerales del 1 de marzu d'esi mesmu añu, foi de 320.315 votos (78.315 votos menos nesta ocasión).

El 24 de xunetu de 1979, tres la unificación col PTE, dambes organizaciones eslliéronse y crearon el Partido de los Trabajadores de España (PTE-ORT), como nuevu partíu políticu. La organización xuvenil de la ORT, la «Unión de Juventudes Maoístas» (UJM), que fuera creada en 1974, tres la xunificación adquirió'l nome de la organización xuvenil del antiguu PTE, denominándose Nueva Guardia Roja de España (JGRE).

Enllaces esternos[editar | editar la fonte]





Organización Revolucionaria de Trabajadores