Online Computer Library Center

De Wikipedia
Ficha de softwareOnline Computer Library Center
Versión inicial 5 xunetu 1967 y 6 xunetu 1967
Tipu cooperativa (es) Traducir, organización, base de datos, biblioteca y organización ensin ánimu de llucru
N'asturianu Non Non
Más información
Twitter OCLC
Facebook 20530435726 y OCLCglobal
Instagram oclc_global
Youtube UCXmgcQTjBY2ayzMXBxIDzjg
Sitiu web Web oficial
Cambiar los datos en Wikidata

L'Online Computer Library Center (OCLC) ye un serviciu de biblioteca per ordenador en llinia y una entidá d'investigación ensin fines d'arriquecimientu. Más de 57.000 biblioteques en 112 países y territorios alredor del mundu usen los servicios d'OCLC p'alcontrar, adquirir, emprestar y caltener material bibliográfico. Fundólu Frederick Kilgour en 1967. Orixinalmente llamóse Ohio College Library Center. Les oficines tán allugaes en Dublin, Ohio, Estaos Xuníos.

Cómo funciona[editar | editar la fonte]

Investigadores, estudiantes, facultaes, bibliotecarios profesionales y otres persones que busquen información usen los servicios d'OCLC pa llograr información bibliográfica, sumarios y testos completos onde y cuando lo precisen.

OCLC y les sos biblioteques miembros producen cooperativamente y caltienen WorldCat - la OCLC Online Union Catalog, el mayor catálogu d'accesu públicu en llinia (OPAC) del mundu. WorldCat contién rexistros de les más de biblioteques públiques y privaes de tol mundu. WorldCat ta disponible al traviés de munches redes de biblioteques y universidaes.

El programa Open WorldCat crea rexistros de materiales propiedá de biblioteques na base de datos WorldCat d'OCLC pa les webs más populares de busca, sitios bibliográficos y de venta de llibros d'Internet.

A los rexistros d'Open WorldCat pue accedese dende les busques avanzaes de Google o Yahoo, cenciellamente llendando la busca al sitiu o dominiu "worldcatlibraries.org." Na seronda de 2004, la coleición d'Open WorldCat foi enantada pa incluyir información sobre tolos rexistros de WorldCat.

N'ochobre de 2005, l'equipu téunicu del OCLC empecipió un proyeutu wiki que dexa a los llectores y bibliotecarios añedir comentarios y información estructurada asociada con cualesquier rexistru de WorldCat.

Sistema Dewey de clasificación[editar | editar la fonte]

La OCLC adquirió los derechos d'autor y marques rexistraes asociaes al sistema Dewey de clasificación al mercar Forest Press en 1988.

Ver tamién[editar | editar la fonte]

Referencies[editar | editar la fonte]

Enllaces esternos[editar | editar la fonte]