Omega Sagittarii

De Wikipedia
Saltar a navegación Saltar a la gueta
Omega Sagittarii
Omega Sagittarii
Constelación Saxitariu
Ascensión reuta α 19h 55min 50,36s
Declinación δ -26º 17’ 58,2’’
Distancia 77,6 ± 1,7 años lluz
Magnitú visual +4,70
Magnitú absoluta +4,68
Lluminosidá 7,4 soles
Temperatura 5452 K
Masa 1,4 soles
Radiu 2,9 soles
Tipu espectral G5IV
Velocidá radial -21 km/s

Omega Sagittarii (ω Sgr / 58 Sagittarii / HD 188376 / HR 7597)[1] ye una estrella na constelación de Saxitariu de magnitú aparente +4,70. Alcuéntrase nel estremu noroeste del Terebellum, asterismo formáu por un cuadriláteru d'estrelles. Asitiada a 78 años lluz de distancia del Sistema Solar, ye la más cercana ente los cuatro estrelles d'esti asterismo.

Omega Sagittarii ye una estrella de tipu espectral G5 y 5452 K de temperatura efectivo[2] catalogada como nana[3] o subxigante.[1] Los sos valores de lluminosidá —7,4 vegaes superior a la del Sol— y diámetru —2,9 vegaes más grande qu'el diámetru solar— son escesivos pa una estrella de carauterístiques asemeyaes al Sol, polo que la so clasificación como G5IV d'alcuerdu a la base de datos SIMBAD paez la más fayadiza. Tampoco hai alcuerdu tocantes a la so edá, que según la fonte consultada pue ser de 4470 o 7400[4] millones d'años. La so masa envalorada ye un 40% mayor que la masa solar y la so metalicidá —bayura relativa d'elementos más pesaos qu'el heliu— ye namái un 7% inferior a la del Sol.[2]

Estudios fechos col Telescopiu espacial Spitzer nun detectaron n'Omega Sagittarii un escesu na emisión de radiación infrarroxo a 24 y 70 μm, de normal acomuñada a la presencia d'un discu circumestelar de polvu.[5]

Referencies[editar | editar la fonte]

  1. 1,0 1,1 LTT 7872 -- High proper-motion Star (SIMBAD)
  2. 2,0 2,1 Luck, R. Earle; Heiter, Ulrike. «Giants in the Local Region». The Astronomical Journal 133 (6). pp. 2464-2486. http://cdsads.u-strasbg.fr/cgi-bin/nph-bib_query?2007AJ....133.2464L&db_key=AST&nosetcookie=1. 
  3. Terebellum (The Bright Star Catalogue)
  4. Wright, J. T.; Marcy, G. W.; Butler, R. Paul; Vogt, S. S.. «Chromospheric Ca II Emission in Nearby F, G, K, and M Stars». The Astrophysical Journal Supplement Series 152 (2). pp. 261-295. http://cdsads.u-strasbg.fr/cgi-bin/nph-bib_query?2004ApJS..152..261W&db_key=AST&nosetcookie=1. 
  5. Trilling, D. E.; Bryden, G.; Beichman, C. A.; Rieke, G. H.; Su, K. E. L.; Stansberry, J. A.; Blaylock, M.; Stapelfeldt, K. R.; Beeman, J. W.; Haller, Y. Y.. «Debris Disks around Sun-like Stars». The Astrophysical Journal 674 (2). pp. 1086-1105. http://cdsads.u-strasbg.fr/cgi-bin/nph-bib_query?2008ApJ...674.1086T&db_key=AST&nosetcookie=1.