Oklahoma City
Oklahoma City ye la capital del estáu estaunidense d'Oklahoma. Ye la más grande d'elli, y centru alministrativu del condáu homónimu. La ciudá, que s'estiende tamién per tierres de los condaos de Canadian, Cleveland y Pottawatomie, ye, colos sos 580.000 habitantes estimaos (U.S. Census Bureau, 2010) la 31ª mayor d'Estaos Xuníos. La so área metropolitana tien una población estimada de 1.252.987, y l'área estadística combinada Oklahoma City-Shawnee, que la inclúi, ye'l llar de 1.322.249 persones.
Con ún de los mayores mercaos de ganáu del mundu, la so economía básase principalmente na estracción del petróleu y el gas de la zona. La ciudá ta allugada enriba d'un xacimientu de petroleu, anguaño n'esplotación. Ye, tamién, centru alministrativu del estáu y sé de delles instituciones federales.
Enllaces esternos[editar | editar la fonte]
Wikimedia Commons tien conteníu multimedia tocante a Oklahoma City.
Páxina web oficial de la ciudá- Oklahoma City Convention & Visitors' Bureau
- Esti artículu ye un entamu. Pues ayudar a la Wikipedia n'asturianu ampliándolu.
