O Delphini

De Wikipedia
Saltar a navegación Saltar a la gueta
U Delphini
O Delphini
Constelación Delphinus
Ascensión reuta α 20h 45min 28,24s
Declinación δ +18º 05’ 24,1’’
Distancia 1115 ± 250 años lluz
Magnitú visual +6,71
Magnitú absoluta -0,96
Lluminosidá 10.000 soles
Temperatura 3119 K
Masa 2,0 soles
Radiu 84 soles
Tipu espectral M5II-III
Velocidá radial -21,2 km/s

O Delphini (O Del / HD 197812 / HR 7941 / SAO 106458) ye una estrella variable na constelación del Delfín, asitiada 2º al norte de la brillosa γ Delphini. Alcuéntrase aprosimao a 1115 años lluz de distancia del Sistema Solar.[1]

O Delphini ye una xigante o superxigante colorada de tipu espectral M5Iab[2] o M5II-III.[3] Ye una estrella fría que la so temperatura superficial ye de namái 3119 ± 13 K[4] que la so lluminosidá bolométrica ye 10.000 vegaes mayor que la del Sol.[5] Con un radiu 84 vegaes más grande qu'el radiu solar, si tuviera nel llugar del Sol estiéndese hasta la órbita de Mercuriu. Tien una masa aprosimao doble de la masa solar.[5] El so espectru amuesa la presencia de tecneciu, elementu del procesu-s producíu por nucleosíntesis estelar.[6]

La carauterística más notable d'O Delphini ye la so variabilidá, tando clasificada como una estrella variable pulsante semirregular de tipu SRB, esto ye, con una periodicidá pocu definida.[3] El so rellumu bazcuya ente magnitú +7,6 y +8,9 nun periodu inciertu de 110 díes. Sicasí, estudios de les curva de lluz curvu de lluz a lo llargo de tol sieglu XX indiquen que'l periodu dominante ye un periodu al llargu plazu d'unos 1200 díes, magar na década de 1940 hubo un aumentu de l'amplitú nuna magnitú pero ensin cambéu na periodicidá.[7] Tocantes a la presencia de tecneciu, esti metal de curtia vida namái foi reparáu en variables semirregulares que'l so periodu ye de más de 100 díes y que tienen una masa cimero a dos mases solares.[6]

Ver tamién[editar | editar la fonte]

Referencies[editar | editar la fonte]