Ni Persei

De Wikipedia
Saltar a navegación Saltar a la gueta
Ni Persei
Ni Persei A
Constelación Perséu
Ascensión reuta α 03h 45min 11,63s
Declinación δ +42º 34’ 42,8’’
Distancia 556 ± 16 años lluz
Magnitú visual +3,78
Magnitú absoluta -2,39
Lluminosidá 711 soles
Temperatura 6600 K
Masa 4,5 soles
Radiu 21 soles
Tipu espectral F5II
Velocidá radial -12,7 km/s

Ni Persei (ν Per / 41 Persei / HD 23230)[1] ye una estrella de magnitú aparente +3,78 asitiada na constelación de Perséu. Alcuéntrase a 556 años lluz de distancia del Sistema Solar.

Ni Persei ye una xigante lluminosa —catalogada tamién como superxigante— de tipu espectral F5II que la so temperatura superficial ye de 6600 K. Relluma con una lluminosidá 711 vegaes mayor que la lluminosidá solar y tien un radiu 21 vegaes más grande qu'el del Sol. La so velocidá de rotación proyeutada de 47 km/s —alzada pa una estrella de les sos carauterístiques— da llugar a un periodu de rotación de 22 díes a lo más. La so masa ye de 4,5 mases solares y nació fai unos 120 millones d'años como una estrella blancu-azulada de la secuencia principal de tipu B5.[2]

Ni Persei tien una compañera estelar visualmente dixebrada d'ella 32 segundos d'arcu. Denominada Ni Persei B (BD+42 815B),[3] el so rellumu correspuende al d'una nana mariella de tipu G2 asemeyáu al Sol. La so distancia al respective de la brillosa xigante ye de siquier 5400 UA. Una tercer estrella más tenue —llamada Ni Persei Y— puede tamién formar parte del sistema.[2]

Referencies[editar | editar la fonte]