Neville Brand

De Wikipedia
Saltar a navegación Saltar a la gueta
Neville Brand
Neville Brand
Neville Brand 1966.JPG
Vida
Nacimientu Iowa13  d'agostu de 1920
Nacionalidá Bandera de Estaos Xuníos d'América Estaos Xuníos
Fallecimientu

Sacramento16  d'abril de 1992

(71 años)
Sepultura California
Causa de la muerte enfisema pulmonar Traducir
Oficiu
Oficiu actor, actor de televisión, actor de cine y actor de teatru
Premios
Xéneru artísticu wéstern Traducir
Serviciu militar
Cuerpu militar Exércitu de los Estaos Xuníos
Lluchó en Segunda Guerra Mundial
IMDb nm0104507
Cambiar los datos en Wikidata

Neville Brand (13  d'agostu de 1920Iowa - 16  d'abril de 1992Sacramento), foi un actor, actor de televisión, actor de cine y actor de teatru estauxunidense.

Biografía[editar | editar la fonte]

Brand nació en Griswold, Iowa. Empecipió la so carrera na gran pantalla cola película D.O.A. (Coles hores contaes) (1950), nel papel d'un secuaz llamáu Chester. Fíxose bien conocíu como villanu cuando'l so personaxe mataba al interpretáu por Elvis Presley en Love Tendeme. Interpretó a villanos en tantes películes, que la so imaxe viose afeutada por ello, llegando al estremu de que nuna entrevista televisiva nel programa Entertainment Tonight, l'actor repitía "Soi un perdedor. Soi un perdedor".

Sicasí, tuvo un papel bien románticu na película Return From the Sea, xunto a Jan Sterling. Tamién interpretó a un personaxe incomprendido y afeutáu por una mancadura cerebral nun episodiu de la serie de TV Daniel Boone. Amás, foi'l tíu de Hoss Cartwright, el personaxe interpretáu por Dan Blocker nel episodiu "The Last Viking", de la serie Bonanza.

De los cientos de papeles qu'interpretó, probablemente'l más recordáu ye'l de Al Capone na serie televisiva Los Intocables. La caracterización motivó la protesta de la comunidá italoamericana pol estereotipu que describía.

Tamién se-y recuerda como Bull Ransom, el guarda de la prisión en Birdman of Alcatraz (L'home de Alcatraz), y como l'antagónicu y pocu de fiar prisioneru de guerra "Duke", en Stalag 17 (Traidor nel infiernu).

Fixo tamién papeles de cowboy, y protagonizó la so propia serie televisiva, Laredo, xunto a William Smith, Peter Brown, y Philip Carey.

Na vida real, Brand sirvió nes Fuercies Armaes estauxunidenses mientres la Segunda Guerra Mundial. Foi unu de los actores más condecoraos en dicha guerra.

Neville Brand finó por un enfisema en 1992. Tuvo casáu con Rai Brand, y tuvo dos fíos.

Filmografía parcial televisiva y cinematográfica[editar | editar la fonte]

  • D.O.A. (Coles hores contaes) (1950)
  • Kansas City confidencial (El cuartu home) (1952)
  • Stalag 17 (Traidor nel infiernu) (1953)
  • Gun Fury (Fiebre de vengación) (1953)
  • The Man From The Alamo (El desertor d'El Álamu) (1953)
  • The Charge at Feather River (La carga de los caballeros indios) (1953)
  • Return from the Sea (1954)
  • Love Tendeme (1956)
  • The Tin Star (Cazador de foraxíos) (1957)
  • Five Gates to Hell (1959)
  • Los Intocables (serie de TV) (1959-1961)
  • The Last Sunset (El postreru atapecer) (1961)
  • Birdman of Alcatraz (L'home de Alcatraz) (1962)
  • The Twilight Zone: Episodiu The Encounter (1964)
  • We've Lost a Train: Capítulu 30, temporada 3 (El Virginiano) (1964)
  • Tora! Tora! Tora! (1970)
  • Bonanza (1970-1971)
  • Cahill O.S. Marshal (La lluria de la forca) (1973)
  • Captains Courageous (1977)
  • Eaten Alive (1977)
  • The Ninth Configuration (1980)

Enllaces esternos[editar | editar la fonte]

Referencia[editar | editar la fonte]