Muggle

De Wikipedia
Saltar a: navegación, buscar
Nel universu de Harry Potter, la estación de trenes de King's Cross marca la separación ente'l mundu muggle y la comunidá máxica, yá que ehí los magos menores d'edá monten nel tren que los conduz al Colexu Hogwarts de Maxa y Bruxería.

Denómase muggle al ser humanu que nun tien nenguna habilidá máxica; d'esta miente, el términu designa a ún de los grupos humanos que coesisten nel universu escurríu pola escritora británica J. K. Rowling. Los más de los muggles desconocen la esistencia de la maxa o amuésense roceanos a creer nella; parte d'esti desconocimientu débese a que'l Ministeriu de Maxa —entidá gubernamental que rixe la comunidá máxica de Gran Bretaña y Irlanda— encárgase de caltener cualesquier manifestación sobrenatural fuera del campu de percepción de los non magos. Sicasí, como se ve en Harry Potter y el misteriu del príncipe, el ministru de Maxa ta en contactu cola autoridá del poder executivu de cada país.

Ente los magos, les actitúes escontra los muggles y la so cultura ye bien diversa: dalgunos como Albus Dumbledore o Arthur Weasley respeten y hasta demuestren fascinación pola cultura de los non magos. Otros, como les facciones más conservadores de la comunidá máxica o Lord Voldemort y les sos mortífagos, bancien ente ser roceanos al tratu colos muggles y l'abiertu odiu, llegando hasta a entamar campañes escontra estos o asesinatos por mera diversión. Esti odiu ta motiváu por una creyencia nel llinaxe según la que los non magos y la nacencia de fíos concebíos con muggles ta mal vistu.

Por cuenta de la popularidá de la saga Harry Potter, el términu "muggle" col significáu que s'esprende de les noveles de Rowling amestóse al Oxford English Dictionary a partir del añu 2002.[1] Amás, na fala popular diéronse usos estendíos del términu que sobrepasen a los que'l diccionariu rexistra.

Referencies[editar | editar la fonte]

  1. Hoge, Warren (12 de noviembre de 2002). «Latest Word: 'Klingons' In, 'Muggles' Not Quite» (en inglés). The New York Times. http://www.nytimes.com/2002/11/12/world/oxford-journal-latest-word-klingons-in-muggles-not-quite.html?pagewanted=1. Consultáu el 7 de enero de 2010. 

Enllaces esternos[editar | editar la fonte]


Serie Harry Potter de J. K. Rowling
La piedra filosofal
Película • Xuegu • Banda sonora
The Chamber of Secrets
Película • Xuegu • Banda sonora
The Prisoner of Azkaban
Película • Xuegu • Banda sonora
the Goblet of Fire
Película • Xuegu • Banda sonora
The Order of the Phoenix
Película • Xuegu • Banda sonora
The Half-Blood Prince
Película • Xuegu • Banda sonora
The Deathly Hallows
Película 1 • Película 2 • Xuegu • Banda sonora
Personaxes   Harry Potter • Ron Weasley • Hermione Granger • Lord Voldemort • Albus Dumbledore • Severus Snape • Rubeus Hagrid • Sirius Black • Draco Malfoy • Ginny Weasley • Neville Longbottom • Minerva McGonagall • Familia Potter • Familia Weasley • Personal de Hogwarts • Orde del Fénix • Mortífagos • Exércitu de Dumbledore • Elfos domésticos
Universu   Llugares • Cronoloxía • Hogwarts • Ministeriu de Maxa • Criatures máxiques • Fechizos • Oxetos máxicos • Horcruxes
Otros llibros   Fantastic Beasts and Where to Find Them • Quidditch Through the Ages • The Tales of Beedle the Bard
Otros videoxuegos   Harry Potter: Quidditch World Cup