Colexu Hogwarts de Maxa y Bruxería

De Wikipedia
Saltar a: navegación, buscar
Colexu Hogwarts de Maxa y Bruxería
Hogwarts School of Witchcraft and Wizardry
The Great Hall, Hogwarts.jpg
Situación
Historia y usu
Apertura sieglu X
Cambiar los datos en Wikidata

Nel mundu ficticiu de la serie lliteraria Harry Potter, el Colexu Hogwarts de Maxa y Bruxería o a cencielles Hogwarts ye una escuela de maxa.

Hogwarts ye una escuela a la qu'asisten mozos magos pa desenvolver les sos habilidaes máxiques. L'edificiu, allugáu nes llombes d'Escocia, ye invisible pa les persones ayenes a poderes máxicos (más comúnmente conocíos polos bruxos como "muggles"), con dellos fechizos. Tien siete plantes, delles torres y unos grandes tarrenes que contienen un llagu, una viesca (llamáu ente los bruxos la "Viesca Vetada") y dellos ivernaderos con fines botánicos. Amás de los sos abondosos salones de clases, nos que s'imparten les clases de fechizos, fervidiellos, tresformaciones, defensa escontra les artes escures, historia de la maxa y demás asignatures por asistentes calificaos, el castiellu ta enllenu d'elementos estraños, como'l Gran Salón y el techu máxicu, sales comunes, una gran biblioteca, la misteriosa Sala de los Menesteres o la llexendaria Cámara los Secretos. Munchos pasaxes anubríos, escaleres y semeyes de pintures en movimientu con vida propia, faen que'l percorríu pel castiellu seya esmolecedor pa los escolinos más confusos, y emocionante pa los más curiosos.

Per espaciu de más de mil años los escolinos foron distribuyíos a la so llegada nes distintes cases, per aciu del veredictu del Gorru Escoyedor, colos nomes de los cuatro fundadores de la escuela: Gryffindor, Hufflepuff, Ravenclaw y Slytherin. Mientres la escolaridá de Harry, Albus Dumbledore ye'l direutor y los principales xefes de casa son los profesores McGonagall, Sprout, Flitwick y Snape (depués sustituyíu por Slughorn).

La educación d'un escolín llévase a cabu en siete años, empezando los sos estudios, a lo menos, a los once y dexando la escuela, a lo menos, a los diecisiete años. L'aición de la saga de Harry Potter tien llugar sobre manera dientro de la institución, cada novela equival a un añu escolar.

Acordies cola novela y les películes, el colexu nun s'atopa sol poder del Ministeriu de Maxa (motivu de discutiniu nel llibru quintu), organismu gubernamental que regula tolos aspeutos de la vida na comunidá máxica del territoriu. Sicasí, Hogwarts nun ye l'únicu colexu d'esta mena, hai otros esponentes como l'Academia de Maxa Beauxbatons en Francia y l'Institutu Durmstrang de Maxa nel norte d'Europa.

El colexu apaez en toles noveles de la serie, siendo l'escenariu principal de les mesmes. Na última novela, Harry Potter y les reliquies de la muerte, los tres protagonistes caltiénense alloñaos de Hogwarts la mayor parte del llibru, tornando pa la engarradiella que remata la Segunda Guerra.

Enllaces esternos[editar | editar la fonte]


Serie Harry Potter de J. K. Rowling
La piedra filosofal
Película • Xuegu • Banda sonora
The Chamber of Secrets
Película • Xuegu • Banda sonora
The Prisoner of Azkaban
Película • Xuegu • Banda sonora
the Goblet of Fire
Película • Xuegu • Banda sonora
The Order of the Phoenix
Película • Xuegu • Banda sonora
The Half-Blood Prince
Película • Xuegu • Banda sonora
The Deathly Hallows
Película 1 • Película 2 • Xuegu • Banda sonora
Personaxes   Harry Potter • Ron Weasley • Hermione Granger • Lord Voldemort • Albus Dumbledore • Severus Snape • Rubeus Hagrid • Sirius Black • Draco Malfoy • Ginny Weasley • Neville Longbottom • Minerva McGonagall • Familia Potter • Familia Weasley • Personal de Hogwarts • Orde del Fénix • Mortífagos • Exércitu de Dumbledore • Elfos domésticos
Universu   Llugares • Cronoloxía • Hogwarts • Ministeriu de Maxa • Criatures máxiques • Fechizos • Oxetos máxicos • Horcruxes
Otros llibros   Fantastic Beasts and Where to Find Them • Quidditch Through the Ages • The Tales of Beedle the Bard
Otros videoxuegos   Harry Potter: Quidditch World Cup