Albus Dumbledore
| Albus Dumbledore | ||
|---|---|---|
| Personaxe de Harry Potter | ||
 | ||
| Universu | universu de Harry Potter | |
| Creador/a/es | J. K. Rowling | |
| Información | ||
| Sexu | masculín | |
| Nacimientu |
Mould-on-the-Wold (en)  , 1881 | |
| Fallecimientu |
torre de astronomía (es) [1], 30 de xunu de 1997[2] (115/116 años) | |
| Ocupación |
maestru, auror (es) , investigador y profesor | |
| Conexones |
Dumbledore (es) | |
| Padres |
Percival Dumbledore (es) Kendra Dumbledore (es) | |
| Familiares |
Ariana Dumbledore (es) y Aberforth Dumbledore (es) | |
| Residencia |
Mould-on-the-Wold (en) | |
| Nacionalidá | Reinu Xuníu | |
| [editar datos en Wikidata] | ||
Albus Percival Wulfric Brian Dumbledore (n. Mould-On-The-Wold, Inglaterra (Reinu Xuníu), 4 de marzu de 1881 - m. Torre d'Astronomía, Colexu Hogwarts de Maxa y Bruxería, Escocia (Reinu Xuníu), 29 de xunu de 1997) ye un personaxe de la saga de Harry Potter, creáu pola británica J. K. Rowling. El personaxe, presentáu como'l magu más poderosu de tola saga y comparable a antagonistes tales como Grindelwald o Lord Voldemort, ye tamién el más moral de toos: el so lema consiste na afirmación de que «l'amor ye la maxa más importante y poderosa del mundu». Tambien foi profesor de Newt Scamander.
Masque paez un vieyu paternal, sabiu y proteutor, en realidá'l personaxe tien un plan escurríu a lo llargo de venti años pa destruyir al tenebrosu Lord Voldemort —dambos personaxes tienen un curtiu enfrentamientu nel llibru Harry Potter y la Orde del Fénix—. Ye, mientres gran parte de la historia, el direutor d'Hogwarts y el creador de la Orde del Fénix.
Rowling anunció que'l personaxe nació en 1881[3] y que ye fíu de Percival y Kendra Dumbledore. Los sos hermanos son Aberforth (1884) —qu'apaez en Harry Potter and the Deathly Hallows— y Ariana, qu'amaló a los seis años por culpa de tres neños muggles que la atacaron por vela faer maxa. Por cuenta d'esti incidente, so padre atacólos y foi unviáu a la prisión d'Azkaban pa tola vida, mentes que'l restu la familia treslladóse al Valle de Godric pa empecipiar una vida nueva y onde escondieron a Ariana en casa pa que nun fuera unviada al hospital máxicu de San Mungo.
Nel primer cursu n'Hogwarts, Albus trabó amistá con Elphias Doge —quien, namás llegar, foi oxetu de burlla por arimase de viruela de dragón—. Albus foi señaláu como l'alumnu más brillante qu'estudiara nel colexu, onde ganó tolos premios que s'ufiertaben y llegó a ser Prefeutu. El magu, que tuvo bona rellación colos magos más famosos del momentu y publicó les sos investigaciones en Tresformación actual, Desafíos en fechizos o El pocionista práuticu, perteneció a la casa de Gryffindor —too esto revélase en Harry Potter y la piedra filosofal, cuando Hermione conoz a los sos dos amigos nel tren—. Tres años depués, el so hermanu pequeñu Aberforth entró en Hogwarts y nun se rellacionó con él, yá que nun tenía nin la so intelixencia nin el poder máxicu del so hermanu mayor —como interés tocante a esto, cuando Harry y los sos amigos esamínense de los sos NOMUs en Harry Potter y la Orde del Fénix, la esaminadora Griselda Marchbanks llamó a Dumbledore como un magu al que vio faer «coses cola varina qu'enxamás nun viera».
En rematando los sos estudios en Hogwarts entamó, xunto col so amigu Elphias Doge, faer el tradicional viaxe de fin d'estudios, pero naquel momentu asocedió daqué impredicible: la so hermana Ariana acabó, ensin querer, cola vida de so madre, Kendra Dumbledore.
Referencies[editar | editar la fonte]
- ↑ Afirmao en: Harry Potter y el misterio del príncipe. Autor: J. K. Rowling. Editorial: Bloomsbury Publishing. Llingua de la obra o nome: inglés británicu. Data d'espublización: 16 xunetu 2005.
- ↑ Afirmao en: Pottermore. Llingua de la obra o nome: inglés.
- ↑ Sitiu oficial de J.K.Rowling
Enllaces esternos[editar | editar la fonte]
Wikimedia Commons acueye conteníu multimedia sobre Albus Dumbledore 
.
| Control d'autoridaes |
|
|---|
Datos: Q712548- Multimedia: Dumbledore