Menchib

De Wikipedia
Ficha d'oxetu celesteMenchib
Estrella doble óptica, Estrella variable[1], emission-line star (en) Traducir[2], estrella doble (es) Traducir[2], near-IR source (en) Traducir[2] y UV-emission source (en) Traducir[2]
Datos d'observación
Ascensión reuta (α) 59,74125954875 °[3]
Declinación (δ) 35,79103144583 °[3]
Distancia a la Tierra 486 pc
Magnitú aparente (V) 4,06 (banda V)
Magnitú absoluta −5,5
Constelación Perseus (es) Traducir
Velocidá de rotación 230 km/s[6]
Velocidá radial 65,4 km/s[7]
Parallax 1,3788 mas[8]
Radiu 14 Radius solars
Gravedá superficial 3600 cm/s²[9]
Tipu espectral O7.5III(n)((f))[10]
Otros nomes
Cambiar los datos en Wikidata

Coordenaes: Sky map 3h 58m 57.902s, 35° 47 27.713

Menchib ye'l nome de la estrella ξ Persei (ξ Per, 46 Per)[11] na constelación de Perséu. Dacuando ye conocida col nome de Menkib, más utilizáu pa la estrella ζ Persei. Anque con magnitú aparente +4,04 nun ye de les estrelles más brilloses de la constelación, ye notable por dellos motivos.

Una de les estrelles más calientes visibles a güeyu, Menchib tien una temperatura superficial de 37.500 K, enforma mayor que'l Sol, que la so temperatura ye de 5780 K. Del raru tipu espectral O, nun se sabe con seguridad si ye una estrella xigante o superxigante. Sí paez claru que dexó de quemar hidróxenu nel so nucleu y, por tanto, abandonó la secuencia principal. La so lluminosidá en lluz visible ye equivalente a 13.500 soles, pero cuando se considera la radiación ultravioleta emitida la cifra xube a 330.000 soles.[12] La gran distancia que nos dixebra d'ella, unos 1600 años lluz, torga que sía una de les estrelles más brilloses del cielu. Un fuerte vientu estelar, 10 millones de vegaes mayor que'l vientu solar, fai que Menchib pierda una cantidá significativa de masa cada añu: envalórase que, al nacer, la so masa yera 40 vegaes la masa solar. La so edá ye namái d'unos pocos millones d'años.[12]

Otru factor a destacar ye que Menchib ye una estrella fuxitiva, esto ye, tase moviendo a gran velocidá dende'l so llugar de nacencia, l'asociación estelar Perséu OB2, un cúmulu estelar en claru procesu de desintegración . Esta aceleración pudo ser causada por una esplosión d'una compañera cercana o por un alcuentru próximu con otra estrella masiva. Amás, piénsase que ye la responsable d'allumar la nebulosa de reflexón NGC 1499.

D'últimes hai que señalar que Menchib ye una binaria espectroscópica; la compañera, una estrella menos masiva de la que nada se sabe, orbita cada 6,95 díes alredor de la estrella principal.[13]

Ver tamién[editar | editar la fonte]

Referencies[editar | editar la fonte]

  1. Afirmao en: General Catalogue of Variable Stars.
  2. 2,0 2,1 2,2 2,3 Afirmao en: SIMBAD.
  3. 3,0 3,1 Floor van Leeuwen (2007). «Validation of the new Hipparcos reduction» (n'inglés). Astronomy and Astrophysics (2):  páxs. 653–664. doi:10.1051/0004-6361:20078357. 
  4. «The interstellar Ca II distance scale» (n'inglés). Astronomy and Astrophysics (2):  páxs. 833–840. 15 setiembre 2009. doi:10.1051/0004-6361/20079144. 
  5. «UBV photometry of stars whose positions are accurately known. VII». Astronomy and Astrophysics:  páxs. 591–592. 1993. 
  6. Almudena Alonso-Herrero (febreru 2014). «The IACOB project. I. Rotational velocities in northern Galactic O- and early B-type stars revisited. The impact of other sources of line-broadening» (n'inglés). Astronomy and Astrophysics:  páxs. 135–135. doi:10.1051/0004-6361/201322758. 
  7. «Pulkovo Compilation of Radial Velocities for 35 495 Hipparcos stars in a common system» (n'inglés). Astronomy Letters (11):  páxs. 759–771. payares 2006. doi:10.1134/S1063773706110065. 
  8. Afirmao en: Gaia DR2. Stated in source according to: SIMBAD. Llingua de la obra o nome: inglés. Data d'espublización: 25 abril 2018.
  9. Almudena Alonso-Herrero (febreru 2004). «Stellar and wind parameters of Galactic O-stars. The influence of line-blocking/blanketing» (n'inglés). Astronomy and Astrophysics (1):  páxs. 349–376. doi:10.1051/0004-6361:20034594. 
  10. E. J. Alfaro (10 marzu 2011). «THE GALACTIC O-STAR SPECTROSCOPIC SURVEY. I. CLASSIFICATION SYSTEM AND BRIGHT NORTHERN STARS IN THE BLUE-VIOLET ATR∼ 2500». The Astrophysical Journal Supplement Series (2):  páxs. 24. doi:10.1088/0067-0049/193/2/24. 
  11. Ksi Persei (SIMBAD)
  12. 12,0 12,1 Menchib/Menkib (Stars, Jim Kaler) (n'inglés)
  13. Xi Persei (Alcyone)

Coordenaes: Sky map 3h 58m 57.902s, 35° 47 27.713