Marlee Matlin

Marlee Matlin
Vida
Nacimientu	Morton Grove, 24 d'agostu de 1965 (53 años)
Nacionalidá	Estaos Xuníos
Familia
Pareyes	William Hurt
Estudios
Llingües	Llingua de Signos Américana inglés
Oficiu
Oficiu	actor, novelista, escritor, autobiógrafu, actor de televisión y actor de cine
Premios	ver Doctor honoris causa : Universidad Gallaudet  (1987) Óscar a la meyor actriz : Children of a Lesser God
Nominaciones	ver Óscar a la meyor actriz : Children of a Lesser God
IMDb	nm0559144
www.marleematlinsite.com/

Marlee Beth Matlin, (24 d'agostu de 1965, Morton Grove) ye una actriz estauxunidense sorda ganadora d'un Premiu de l'Academia.

Biografía

Nacida en Morton Grove (Illinois), fía d'una pareya xudía, Don y Libby Matlin. A la edá de 18 meses perdió gran parte de la so capacidá auditiva por causa de un ataque de roséola infantil. Perdió toa capacidá auditiva nel oyíu derechu y el 80% nel esquierdu.

Carrera

Fixo'l so debú a la edá de 7 años, nel papel de Dorothy na versión de El magu de Oz que realizó nun grupu infantil de teatru y siguió apaeciendo n'otres obres a lo llargo de la so niñez.

El so debú cinematográficu foi cola película Fíos d'un dios menor (1986), que-y apurrió'l Globu d'Oru a la meyor actriz dramática y el Óscar a la meyor actriz.

Interpretó'l papel principal na serie de televisión Reasonable Doubts (1991-1993), y ganó una nominación al Emmy pola so participación na serie Picket Fences.

Tamién tuvo papeles nes series La nala oeste de la Casa Blanca, Desperate Housewives, Seinfeld y Llei y Orde: Unidá de Víctimes Especiales. Por estes dos últimes, ganó una nominación al premiu Emmy en 1994 y 2004 respectivamente.

Ta implicada con delles organizaciones de calter caritativu, incluyendo Children Affected by AIDS Foundation (fundación pa neños afectaos pol SIDA), Elizabeth Glaser Pediatric AIDS Foundation (fundación Elizabeth Glaser pal sida pediátricu), Starlight Children’s Foundation o Red Cross Celebrity Cabinet, ente otres.

En 1996 apaeció na película It's My Party (Fiesta de despidida/La última fiesta).

En 2002 publicó la so primer novela, Deaf Child Crossing, que ta vagamente basada nel so niñez.

En 2004, participó como actriz protagonista de la revesosa película What the Bleep Do We Know (¡¿Y tu qué sabes?!) nel papel d'Amanda.

En 2007 apaeció na cuarta temporada de la serie The L word, encarnando a Jody Lerner, una artista y profesora d'Artes na Universidá de California, ye sorda y siempres va acompañada del so intérprete Tom. Trabaya na facultá onde ye decana Bette.

En 2007 realizó un papel na serie Llámome Earl, onde interpretaba a Ruby Whitlow, l'abogada sorda de Joy.

Dende 2011 trabaya na serie Camudaes al nacer, onde interpreta'l papel de Melody, orientadora y entrenadora de baloncestu nun colexu pa sordos. Esi mesmu añu foi una de les finalistes de la 11 edición de The Apprentice, onde recaldó más d'un millón de dólares pa The Starkey Hearing Foundation.

Vida personal

El 29 d'agostu de 1993, Matlin casóse con un policía católicu llamáu Kevin Grandalski col que tien cuatro fíos: Sarah Rose (1996), Brandon (2000), Tyler (2002) y Isabelle Jane (2003).

Premios

Óscar

Añu	Categoría	Película	Resultancia
1986	Meyor Actriz	Fíos d'un dios menor	Ganador

Globo d'Oru

Añu	Categoría	Película	Resultancia
1993	Meyor Actriz de serie de TV - Drama	Reasonable Doubts	Candidata
1992	Meyor Actriz de serie de TV - Drama	Reasonable Doubts	Candidata
1987	Meyor Actriz - Drama	Fíos d'un dios menor	Ganador

Premios Emmy

Añu	Categoría	Serie de TV	Resultancia
2004	Meyor Actriz convidada de serie de TV - Drama	Llei y Orde: Unidá de Víctimes Especiales	Candidata
2000	Meyor Actriz convidada de serie de TV - Drama	The Practice	Candidata
1994	Primetime Emmy a la meyor actriz convidada - Serie de comedia Meyor Actriz convidada de serie de TV - Comedia	Seinfeld	Candidata
1994	Meyor Actriz convidada de serie de TV - Drama	Picket Fences	Candidata

Enllaces esternos

• Ficha de Marlee Matlin na Internet Movie Database (n'inglés)

Marlee Matlin