Margaret Rutherford

De Wikipedia
Margaret Rutherford
Vida
Nacimientu Londres11 de mayu de 1892[1]
Nacionalidá Bandera del Reinu Xuníu Reinu Xuníu
Muerte Chalfont St Peter (es) Traducir22 de mayu de 1972[1] (80 años)
Causa de la muerte Alzheimer[2]
Familia
Padre William Rutherford Benn
Casada con Stringer Davis (1945 – 1972)
Estudios
Estudios Royal Academy of Dramatic Art
Wimbledon High School (es) Traducir
Llingües falaes inglés[3]
Oficiu actriz de xéneru, actriz de teatruactriz de cine
Premios
Nominaciones
IMDb nm0751983
Cambiar los datos en Wikidata

Margaret Rutherford DBE (11 de mayu de 1892Londres – 22 de mayu de 1972Chalfont St Peter (es) Traducir).

Biografía[editar | editar la fonte]

Rutherford nació nel suburbiu londinense de Balham, siendo la fía única de William Rutherford Benn y la so esposa. El so padre careció de problemes mentales mientres dellos años y el 4 de marzu de 1883 cutió al so propiu padre hasta matalo.[5]

Siendo una neña, Rutherford foi llevada a la India, pero al morrer la so madre tornó a Gran Bretaña con trés años d'edá pa vivir cola so tía Bessie Nicholson.[6] Foi educada na Wimbledon High School y na Royal Academy of Dramatic Art.

Primeramente, Rutherford trabayó como maestra d'elocución y nun foi hasta más palantre na so vida cuando empezó carrera como actriz al faer el so debú teatral nel Old Vic en 1925 a la edá de 33 años. La so apariencia física torgó-y llograr papeles d'heroína romántica y llueu llogró fama en papeles risibles, apaeciendo en munches de les películes britániques más esitoses de mediaos del sieglu XX. En munchos d'estos filmes, interpretaba papeles que yá representara en teatru. En 1945, casóse col actor Stringer Davis y, en munches ocasiones, apaecíen xuntos en filmes.

Nos años 1950, Rutherford y Davis adoptaron a Gordon Langley Hall, quien más tarde se convertiría n'escritor. Hall tuvo una ciruxía de reasignación de sexu cuando s'afayó que fuera confundida con un home al nacer y camudó el so nome por Dawn Langley Simmons. So esti nome escribió una biografía de Rutherford en 1983.

En 1961, Rutherford interpretó a Miss Marple nuna serie de cuatro películes basaes vagamente nes noveles d'Agatha Christie. Rutherford, quien tenía 70 años entós, aportunó en vistir la so propia ropa pa interpretar el personaxe de la detective y que'l so maríu apaeciera xunto con ella.

Rutherford ganó un Óscar y un Globu d'Oru a la meyor actriz de repartu pola so actuación en The V.I.P.s como la Duquesa de Brighton al llau d'Elizabeth Taylor y Richard Burton.

En 1961 foi nomada Oficial de la Orde del Imperiu Británicu (OBE) y, en 1967 foi alzada a Dama Comandante (DBE).

Rutherford sufrió de la enfermedá d'Alzheimer mientres los sos últimos años. Morrió'l 22 de mayu de 1972 a los 80 años y foi soterrada nel campusantu de la St. James Church en Gerrards Cross (Buckinghamshire). Cuando'l so maríu morrió n'agostu de 1973, foi soterráu xunto a ella. Rutherford yera prima del políticu Tony Benn.

Filmografía[editar | editar la fonte]

Referencies[editar | editar la fonte]

  1. 1,0 1,1 Biblioteca Nacional de Francia. «autoridaes BNF» (francés). Consultáu'l 10 ochobre 2015.
  2. URL de la referencia: https://ca.hobbygaiety.com/10746698-margaret-rutherford-biography-career-personal-life.
  3. «idRef» (francés). Agencia Bibliográfica de Enseñanza Superior. Consultáu'l 1r mayu 2020.
  4. 4,0 4,1 Afirmao en: Oxford Dictionary of National Biography. Oxford Biography Index Number: 31642. Editorial: Oxford University Press. Llingua de la obra o nome: inglés. Data d'espublización: 2004.
  5. Sweet, Matthew (7 de marzu de 2004). «mio_qn4159/is_20040307/ai_n12751110/ Murder she hid» (inglés). BNET. Consultáu'l 31 d'agostu de 2008.
  6. Billington, Michael (2001). Stage and Screen Lives. Oxford; Nueva York: Oxford University Press. ISBN 9780198604075.

Enllaces esternos[editar | editar la fonte]