María Jesús Álvarez González

De Wikipedia
Saltar a navegación Saltar a la gueta
María Jesús Álvarez GonzálezPicto infobox character.png
presidenta de la Xunta Xeneral del Principáu d'Asturies

Vida
Nome completu María Jesús Álvarez González
Nacimientu

Peñaullán21  de marzu de 1962

(58 años)
Nacionalidá Flag of Spain.svg España
Estudios
Llingües castellanu
Oficiu
Oficiu política
Miembru de Federación Socialista Asturiana
Creencies
Partíu políticu Partíu Socialista Obreru Español
Cambiar los datos en Wikidata

María Jesús Álvarez González (21  de marzu de 1962Peñaullán) ye una política española perteneciente al PSOE. Foi Presidenta de la Xunta Xeneral del Principáu dende'l 7 de xunetu de 1999 hasta'l 15 de xunu de 2011. Ye conseyera de Agroganadería y Recursos Autóctonos del Principáu d'Asturies dende'l 28 de mayu de 2012. En xunetu de 2015, camúdase la denominación de la conseyería que pasa a llamase Conseyería de Desenvolvimientu Rural y Recursos Naturales

Biografía[editar | editar la fonte]

Ye llicenciada y xeografía y hestoria pola Universidá d'Uviéu. Empezó la so andadura política en 1989, afiliándose al PSOE na so llocalidá natal, Pravia. Nes eleiciones municipales de 1991, formó parte de la candidatura d'esi partíu nel conceyu de Pravia, resultando escoyida conceyal y asumiendo la delegación de cultura, servicios sociales y sanidá mientres esa llexislatura.

En 1995, formó parte de dos candidatures del PSOE: la del conceyu de Pravia, nes eleiciones municipales; y la de la Xunta Xeneral del Principáu, pola circunscripción occidental, nes eleiciones autonómiques. En dambos casos resultó escoyida, conceyal y diputada autonómica respeutivamente, magar, en dambos casos, el PSOE taba na oposición. Nesta llexislatura, foi vocera d'infraestructures del grupu parllamentariu socialista y presidenta de la comisión de pidimientos.

En 1999 repitióse la situación de 1995, y nuevamente foi escoyida conceyal y diputada, magar esta vegada, gracies a la mayoría absoluta de la que gociaba'l PSOE, foi propuesta pol so grupu parllamentariu na Xunta Xeneral del Principáu Xunta pa presidir la cámara, resultando escoyida y dimitiendo como conceyal nel conceyu de Pravia.

Revalidó'l so escañu nes eleiciones de 2003 y 2007, y de nuevu foi escoyida Presidenta de la Xunta Xeneral del Principáu.

Tres les eleiciones autonómiques de 2011, magar llogró de nuevu un escañu, foi sustituyida na presidencia de la Xunta Xeneral pol Diputáu del Partíu Popular Fernando Goñi.[1]

L'escasu sofitu parllamentariu col que cuntaba'l gobiernu constituyíu tres les eleiciones de 2011, llevaron a la so Presidente, Francisco Álvarez Cascos a convocar nuevos comicios en marzu de 2012.[2] Nesta ocasión, María Jesús Álvarez encabeza per primer vegada la llista socialista pola circunscripción occidental y de nuevu llogra un escañu. Gracies a la victoria del so partíu, ye nomada conseyera de Agroganadería y Recursos Autóctonos del Principáu d'Asturies, siendo Presidente del Gobiernu Javier Fernández.[3]

Referencies[editar | editar la fonte]

  • Xunta Xeneral del Principáu d'Asturies. «El Presidente». Consultáu'l 20 de xunetu de 2010.
  • Fundación Príncipe d'Asturies. «[https//www.fpa.es/uploads/files/ficheru5_0.doc Premiu Príncipe d'Asturies de Cooperación Internacional]». Consultáu'l 20 de xunetu de 2010.


Predecesor:
Faustino González Alcalde
Escudo de Asturias.svg
Presidenta de la Xunta Xeneral del Principáu d'Asturies

1999-2011
Socesor:
Fernando Goñi
Predecesor:
Albano Longo
Escudo de Asturias.svg
Conseyera de Agroganadería y Recursos Autóctonos del Principáu d'Asturies

2012-actualidá
Socesor:
Nel cargu

.

María Jesús Álvarez González