Luke Perry

De Wikipedia
Saltar a navegación Saltar a la gueta

Coy Luther Perry III (Mansfield, Ohio, 11 d'ochobre de 1966-Los Ánxeles, California, 4 de marzu de 2019)foi un actor estadounidense, célebre pol so trabayu como Dylan McKay na serie Beverly Hills, 90210, y como Fred Andrews na serie Riverdale.[1]

Biografía[editar | editar la fonte]

Infancia[editar | editar la fonte]

Perry nació en Mansfield, Ohio y creció en Fredericktown. Ellí foi la mascota Freddy en Fredericktown High School. La so madre, Ann Bennett, yera ama de casa, y el so padre, Coy Luther Perry Jr., yera trabayador del aceru. A Perry gustába-y dir al so llar cada añu pal Fredericktown Tomato Show, una feria caleyera añal.[cita [ensin referencies][2][3]

Perry #camudar a Los Ánxeles dempués de terminar la secundaria pa siguir la so carrera d'actor porque nun tuvo nenguna oportunidá de faelo en Ohio. Trabayó nuna empresa pavimentadora y vivió en delles ciudaes incluyendo Huntington Beach, Long Beach, Downey, y Paramount.

Carrera[editar | editar la fonte]

Integrante del elencu orixinal de Beverly Hills, 90210, Luke Perry era xuno de los actores que más frutos llogró pol so ésitu na serie. Amás de participar en películes como The Enemy y Dirt, Luke estrenó la so propia serie dramática Jeremiah. Na serie, Perry ye Jeremiah, que vive nun futuru posapocalíptico onde un virus mortal infecta a la población mundial dexando unos pocos supervivientes, de los que solo unos pocos consiguen llegar a la pubertá.

A lo llargo de la so carrera, tuvo en producciones pequenes ya independientes, llegando munches vegaes a coproducir series y telefilmes. Ente los sos trabayos de mayor producción, ta'l filme independiente The Florentine, al llau d'estrelles como Hal Holbrook, Jim Belushi, Michael Madsen y Mary Stuart Masterson. Nel cine, les sos participaciones más importantes fueron en Riot, Normal Life, American Strays, tamién nel llargumetraxe de Buffy, the Vampire Slayer.

Otra faceta de Perry yera'l so talentu como actor de voz, yá que realizó importantes trabayos nes series animaes Mortal Kombat, Hulk, Padre de Familia, Johnny Bravo y Los Simpson.

El primer trabayu de Perry como actor profesional foi nel curtiumetraxe Twisted Sister: Come Out and Play, estrenáu como un ídolu de rock, Alice Cooper. Él tamién participó nes series Spin City, Saturday Night Live, Will & Grace, Night Visions y Windfall.

En Los Simpson realizó un cameo nel capítulu Krusty Gets Kancelled interpretándose a sigo mesmu como'l mediu hermanu de Krusty el payasu. En Padre de Familia fixo otru nel capítulu Historia de primera Plana, nel que Peter redactaba un falsu artículu qu'afirmaba que Perry yera gai.

Participó na serie televisiva Criminal Minds interpretando al líder d'una secta.

Luke Perry apaeció nun episodiu de Johnny Bravo tituláu La Guía d'Amor de Luke Perry, nel qu'apuerta a ayudar a Johnny coles muyeres, dempués de que Johnny lu confunde con Fidel Castro.

Ente 2017 y 2019 participó na serie Riverdale de The CW, basada nos cómics Archie creaos por John L. Goldwater. Ellí interpretó a Fred Andrews, padre del protagonista.

Vida personal[editar | editar la fonte]

Perry tuvo casáu con Rachel Minnie Sharp de 1993 a 2003.[4][5] La pareya tuvo dos fíos, Jack (nacíu'l 15 de xunu de 1997) y Sophie (nacida'l 7 de xunu de 2000). El so fíu, Jack, ye un lluchador profesional conocíu pol so nome nel ring "Jungle Boy" Nate Coy, quien robló con All Elite Wrestling (AEW).[6][7][8]

Perry convirtióse nun defensor de les pruebes de cáncer de colon dempués de sometese a una colonoscopia en 2015 que reveló tumores precancerosos.[9]

Muerte[editar | editar la fonte]

Perry tuvo un derrame cerebral masivu na so casa en Sherman Oaks, Los Ánxeles, el 27 de febreru de 2019. Morrió por entueyos el 4 de marzu.[10] Nel momentu de la so muerte, taba arrodiáu polos sos familiares.[11]

El so representante, Arnold Robinson, señaló que Perry tuvo'l sofitu de los sos fíos, la so madre, la so esposa y otros amigos.[11]

Referencies[editar | editar la fonte]

  1. Redacción (4 de marzo de 2019). El actor Luke Perry muere a los 52 años al no recuperarse de un derrame cerebral. Madrid. https://www.20minutos.es/noticia/3579057/0/actor-luke-perry-muere-52-anos-recuperarse-derrame-cerebral/. Consultáu 'l 4 de marzo de 2019. 
  2. «Luke Perry Biography (1966-)». Filmreference.com. Consultáu'l 28 de enero de 2015.
  3. «Fredericktown Tomato Show | An Annual Street Fair Since 1976». Tomatoshow.com. Consultáu'l 28 de enero de 2015.
  4. «Luke Perry: Splitsville, 90210» (4 May 2003).
  5. «Jennie Garth turns to Luke Perry for post-split support» (16 August 2012).
  6. «Luke Perry Supports His Son Jungle Boy at Wrestling Match» (17 January 2017).
  7. «Luke Perry reveals why he'd never let his daughter date Dylan McKay».
  8. «A baby girl joins Luke Perry, wife» (10 June 2000).
  9. Carlton, Lindsay (March 17, 2017). «'90210' actor Luke Perry opens up about 2015 cancer scare».
  10. «Luke Perry, '90210' and 'Riverdale' Star, Dies at 52». variety.com. Consultáu'l March 4, 2019.
  11. 11,0 11,1 Tvn, 24Horas cl (2019-03-04). «A los 52 años muere el actor Luke Perry tras sufrir un derrame cerebral» (es). Consultáu'l 2019-03-05.