Luciu Variu Rufu

Luciu Variu Rufu
Vida
Nacimientu	Turbigo (es) , 74 de edC
Nacionalidá	Antigua Roma
Muerte	14 de edC (59/60 años)
Estudios
Llingües falaes	llatín
Oficiu	escritor, dramaturgu, poeta

Luciu Variu Rufu, poeta romanu, amigu de Virxiliu y Horaciu, qu'almiraben la so poesía y considerábenlu un poeta épicu destacáu ente los de la so dómina.

Foi la personalidá más relevante del círculu de Mecenes y autor d'una traxedia sobre la hestoria de Tiestes, Thyestes, representada nel añu 29 e.C. nos xuegos en celebración de la victoria d'Octaviu n'Accio, que-y reportó un millón de sestercios del vencedor y que Quintilianu consideró equiparable a cualquier traxedia griega.

Horaciu méntalu na so oda I, 6 llamándolu Maeonii carminis alite, águila del cantar meoniu, esto ye, en referencia a Homeru por ser tamién poeta épicu. De la so epopeya nada se caltuvo, sacante'l títulu, Carmen epicum de actis Caesaris et Agrippae, qu'otros llamen De morte. Lleváu de la so amistá escontra Virxiliu, cuando ésti morrió revisó y espublizó, xunto con Plotiu Tuca, la so Eneida, a pesar de que'l poeta fináu deseyara destruyila, y con esti actu soterró la fama de la so propia epopeya, que, según los sos contemporáneos, yera tamién memorable. Puede lleese un fragmentu d'ésta en Macrobiu (Saturn., VI, 1.29-40 y 2.19-20).

Fonte

• Ernst Bickel, Historia de la lliteratura romana, Madrid: Gredos, 1987.

Enllaces esternos

• Wikimedia Commons tien conteníu multimedia tocante a Luciu Variu Rufu.

• Datos: Q8820