Lois Nettleton

De Wikipedia
Saltar a navegación Saltar a la gueta
Lois Nettleton
Lois Nettleton
Lois Nettleton 4 crop.jpg
Vida
Nacimientu Oak Park Traducir16  d'agostu de 1927
Nacionalidá Bandera de Estaos Xuníos d'América Estaos Xuníos
Fallecimientu

Woodland Hills18  de xineru de 2008

(80 años)
Sepultura Saint Raymonds Cemetery Traducir
Causa de la muerte Cáncer de pulmón
Familia
Casáu/ada con Jean Shepherd  (1960 -  1967)
Estudios
Llingües inglés
Oficiu
Oficiu actriz, actriz de teatru, actriz de televisión, actriz de cine y actriz de voz
Nominaciones
IMDb nm0626728
Cambiar los datos en Wikidata

Lois June Nettleton (6 d'agostu de 192718 de xineru de 2008)[1] foi una actriz teatral, cinematográfica y televisiva estauxunidense. Amás foi Miss Chicago en 1948 y semifinalista esi añu del certame de Miss America.

Primeros años[editar | editar la fonte]

Nacida en Oak Park (Illinois), na área metropolitana de Chicago, los sos padres yeren Edward y Virginia Nettleton. Empecipió la so carrera profesional en 1949. Nos sos empiezos foi sustituta de Barbara Bel Geddes na producción orixinal nel circuitu de Broadway de la obra de Tennessee Williams La gata sobre'l teyáu de cinc, y la so primer actuación televisiva tuvo llugar en Captain Video and His Video Rangers.

Carrera interpretativa[editar | editar la fonte]

Papeles televisivos/Nominaciones a los Emmy[editar | editar la fonte]

Nettleton foi artista convidada en docenes de shows. Ente ellos figuren los siguientes: L'orixinal Dimensión Desconocida, nel episodiu clásicu "The Midnight Sun" (1961); Route 66; El virginiano; The Eleventh Hour; Galería Nocherniega, nun episodiu de la segunda temporada, el tituláu "I'll Never Leave You—Ever"; El fuxitivu; The Mary Tyler Moore Show; Kung Fu; Centennial; Cagney & Lacey; Seinfeld; Baywatch Nights; Murder, She Wrote; y Babylon 5, nel capítulu "Soul Mates" (1994).

En 1987 fixo'l papel de Penny VanderHof Sycamore na versión televisiva de la comedia de Moss Hart y George S. Kaufman You Can't Take It With You, producción na que trabayó con Harry Morgan (actor famosu por M*A*S*H) y Richard Sanders (WKRP in Cincinnati). Tamién foi una frecuente artista convidada en delles versiones del concursu Pyramid dende la década de 1970 hasta 1991. Otru de los sos papeles televisivos foi'l de l'asesina Maud Wendell na miniserie Centennial.

Nettleton ganó dos Premios Emmy a lo llargo de la so carrera. Unu foi por "The American Woman: Profiles in Courage" (1977), y otru por "A Gun For Mandy" (1983), un episodiu de la producción relixosa "Insight." Amás foi nomada al Emmy por un episodiu de The Golden Girls tituláu "Isn't It Romantic?," nel cual encarnaba a una amiga d'estudios de "Dorothy", pola so actuación nel telefilme Fear on Trial (1975) y por un papel recurrente na serie In the Heat of the Night (1989). Amás ganó dos Premios Daytime Emmy pola so participación en General Hospital.

Teatru[editar | editar la fonte]

Nettleton foi nomada a un Premiu Tony pola so actuación como "Amy" na versión puesta n'escena en 1976 de They Knew What They Wanted. Amás, foi allabada pola crítica cuando interpretó a Blanche DuBois na versión de 1973 de Una tranvía llamáu Deséu. Otros de los sos trabayos nel circuitu de Broadway tuvieron llugar en producciones de Darkness at Noon y Silent Night, Lonely Night.

Tamién actuó nel circuitu Off-Broadway, nuna producción de 1959 de Look Charlie, escrita pol so futuru home, l'humorista Jean Shepherd. Nettleton siguió actuando nel teatru con setenta años cumplíos. La so última interpretación tuvo llugar en 2004, nuna obra Off-Broadway titulada How to Build a Better Tulip.

Cine[editar | editar la fonte]

Ente los sos papeles cinematográficos inclúyese'l filme basáu nuna obra de Tennessee Williams Period of Adjustment (Reaxuste matrimonial), l'empobináu por Elia Kazan A Face in the Crowd, y La casa más risondera de Texas, con direición de Colin Higgins. En 1964 fixo'l papel d'una novia nel western Mail Order Bride (Al oeste de Montana), filme tamién protagonizáu por Buddy Ebsen y Keir Dullea, y en 1964 trabayó con James Coburn n'otru western, The Honkers.

Actriz de voz[editar | editar la fonte]

Nos sos últimos años fixo dellos trabayos de voz pa Disney, tales como'l papel de Maléfica en House of Mouse, y tamién dio voz a una diosa del videoxuegu Herc's Adventures.

Vida personal[editar | editar la fonte]

Nettleton tuvo casada con Jean Shepherd, que presentaba un programa nocherniegu radiofónicu na WOR-AM. Ella participó de manera regular nel mesmu, siendo conocida ente los oyentes como "The Caller." La pareya casóse en 1960 y divorcióse siete años más tarde. Nun tuvieron fíos.

Nettleton actuó nun telefilme especial navidiegu en 2006, "The Christmas Card," y la so última apaición pública foi nel añu 2007 na Convención Twilight Zone, celebrada en Hasbrouck Heights, Nueva Jersey. Finó en 2008 por causa de un cáncer de pulmón en Woodland Hills (Los Angeles), California. Tenía 80 años d'edá. Foi soterrada nel Campusantu Saint Raymond de la ciudá de Nueva York.

Referencies[editar | editar la fonte]

Enllaces esternos[editar | editar la fonte]

Lois Nettleton n'Internet Broadway Database (inglés)