Lluis Xabel Álvarez

De Wikipedia
Saltar a: navegación, buscar
Lluis Xabel Álvarez
Vida
Nacimientu

Sama, [[ ]] de 1948

(68/69 años)
Nacionalidá Bandera d'España España
Familia
Casáu con Amelia Valcárcel
Estudios
Estudios Universidad de Valencia
Llingües castellán
asturianu
Oficiu
Oficiu escritor y filósofu
Cambiar los datos en Wikidata

Lluis Álvarez, tamién conocíu pol alcuñu de "Texuca", ye un filosofu, escritor asturianu y profesor de la Universidá d'Uviéu. Lluis Xabel Álvarez nació en Sama, Llangréu, en 1948.

Estudió nes Universidaes de Valencia y Uviéu; nesta última entró nel departamentu de Filosofía cuando lu dirixía Gustavo Bueno, dedicándose sobremanera a dar clases de Filosofía del Llinguaxe, Estética y Filosofía del Arte, disciplines nes que Lluis Álvarez tien delles publicaciones notables. En 1977 collabora na fundación de la Sociedá Asturiana de Filosofía (SAF).

N'asturianu escribió dos llibros, ún de poesía: "Poemes y tornes" (1990) y otru d'ensayu: "Diálogu de Pumarín y otros trabayos de razón local" (1999). Texuca foi ún de los entamadores del grupu Conceyu Bable en 1974 y dende los sos primeros artículos publicaos na revista Asturias Semanal, vien ocupándose de temes rellacionaos cola identidá cultural asturiana en diversos trabayos. Ye académicu de la llingua dende la fundación de l'Academia de la Llingua Asturiana en 1981.

En Poemes y tornes amuesa una poética que bebe del celtismu de Yeats y de les elexíes de Rilke pa componer un discursu estéticu de fonda intensidá emotiva y d'una rica espresividá llingüística. Les versiones d'autores tan estremaos como Shakesperare, Robert Graves, Salvador Espriu y Carmen Conde, que completen esti llibru, sirven tamién de guía de los gustos poéticos de Lluis Texuca.


Bibliografía[editar | editar la fonte]

Creación y Torna[editar | editar la fonte]

Ensayu[editar | editar la fonte]

  • "Los límites del individualismo". Nóesis, Madrid, [1998].

ISBN 84-87462-46-4

Edición lliteraria[editar | editar la fonte]

  • "Filosofía, política, religión : más allá del “pensamiento débil”", Gianni Vattimo ; con estudios de Modesto Berciano y Cesáreo Villoria ; y testus de Roberto Salizzoni ; introducción y notes de Lluis Álvarez. Nobel, Uviéu, 1996. ISBN 84-87531-65-2.