Lasiommata maera

De Wikipedia
Saltar a navegación Saltar a la gueta
Commons-emblem-notice.svg
 
Lasiommata maera
Large Wall Brown. Lasiommata maera . male. ( form borealis?) (16010198280).jpg
Ejemplar macho (Lasiommata maera)
Ariane (Lasiommata maera).jpg
Ejemplar hembra (Lasiommata maera)
Clasificación científica
Reinu: Animalia
Filu: Arthropoda
Clas: Insecta
Orde: Lepidoptera
Familia: Nymphalidae
Xéneru: Lasiommata
Especie: L. maera
(Linnaeus, 1758)
[editar datos en Wikidata]
Lasiommata maera

La '''Lasiommata maera'' ye una caparina de la familia de les Nymphalidae. La especie ye común na península Ibérica y Europa continental. Magar ser una vidueña voladora, nun-y la suel ver volando con fuertes vientos. [1][2]

Descripción[editar | editar la fonte]

Los exemplares machos tienen l'anversu de les nales de color leonado escuru con llinies más escures na celda y ente la zona discal y postdiscal. Presenten amás llurdios de  un color leonado amarellentáu na zona postdiscal, con ocelu dacuando bipupilado nel ápiz y llinies fines nes venes. Les nales posteriores son tamién de color leonado escuru, sacante en zona postdiscal, con  tres  celos negros.[3]

Los exemplares femes son daqué mayores en tamañu que los machos, con tonos de color similares nes nales, anque menos escuros na zona discal del anverso y tienen cantos alares más arrondaos.[3]

L'aviesu de les nales posteriores ye similar a les anteriores, anque coles zones escures d'apariencia más abuxada. Tienen tonu abuxáu con llinies irregulares marrones y fines ente les zones discal, postdiscal y marxinal. Presenten amás ocelos postdiscales pupilados de blancu.[3]

Tienen un llargor del cantu de la nala anterior de 23-25 mm.

Hábitat[editar | editar la fonte]

Puede atopaseles hasta los 1.800 metros d'altitú. Los sos hábitats preferíos son les zones cascayoses de llindes de montes y escamplaes d'árees montiegues. La canesba aliméntase de gramínees de xéneros tales como Poa annua, Festuca pratensis y Hordeum murinum.[4]

Enllaces esternos[editar | editar la fonte]

Notes y referencies[editar | editar la fonte]

  1. (n'inglés) http://www.eurobutterflies.com/sp/maera.php Lasiommata maera
  2. (en castellán) [1] Lasiommata maera - Mariposas de Picos de Europa, Georges Verhulst
  3. 3,0 3,1 3,2 Olivares, J. (2011). en Consejería de Medioambiente. Junta d'Andalucía: Las mariposas diurnas de Sierra Nevada (n'es). ISBN 978-84-92807-72-7.
  4. (en castellán) http://www.asturnatura.com/especie/lasiommata-maera.html Lasiommata maera