Las Hurdes

De Wikipedia
Saltar a navegación Saltar a la gueta
Situación de Las Hurdes n'Estremadura.

Las Hurdes (n'estremeñu Las Jurdis[1] o Las Hurdis[2]) ye una comarca española asitiada nel estremu norte de Cáceres, Estremadura. Ta compuesta por solo cinco conceyos (Caminomorisco, Casar de Palomero, Casares de las Hurdes, Ladrillar, Nuñomoral y Pinofranqueado) y 43 núcleos de población, cuatro d'ellos yá tán despoblados. La riqueza natural de la comarca ye de cálter forestal. Magar nun pertenecer a la mesma provincia, el territoriu ta amestáu al valle de Las Batuecas, en que la so parte baxa s'alluga, sicasí, la alquería hurdana de Las Mestas.

Población[editar | editar la fonte]

Conceyu Población (hab.)[3] Superficie (km²) Densidá (hab./km²)
Caminomorisco 1268 147,06 8,62
Casar de Palomero 1245 36,91 33,73
Casares de las Hurdes 449 20,75 21,64
Ladrillar 222 53,03 4,19
Nuñomoral 1392 94,78 14,69
Pinofranqueado 1762 146,84 12

Xeografía y cultura[editar | editar la fonte]

Imaxe del Antroxu Jurdano

Trátase d'un tarrén montañosu de clima mediterraneu con influencia atlántica. Llenda cola Sierra de Gata, les Tierres de Granadilla y la Sierra de Francia (Salamanca). Forma parte de la llamada "España húmeda".

Siete ríos pasen pelos sos valles: el ríu Malo o Ladrillar, el ríu Batuecas, el Hurdano, el Malvellido, Esperabán, Ovejuela y el ríu de Los Ángeles.

Como nes más d les comarques del nordés de la provincia de Cáceres, Las Hurdes conserva tola so herencia cultural asturlleonesa, siendo el rasgu más característicu'l dialectu altoestremeñu, con influencies del asturianu.

Tamién tien un cálter especial l'Antroxu Jurdanu con seres fantásticos como'l burru antrueju, el machu lanú, el obispu jurdanu, los mozus del guinaldu, etc, xunto a un ricu folklor, l'arquiteutura vernácula y la naturaleza nel espertar de la primavera. La participación de tol pueblu resúmese col dichu Quien no se encarantoña no comi de la olla.[4]

Arquiteutura vernácula[editar | editar la fonte]

Cases hurdanes na alquería d'Aceitunilla.

En munches de les alqueríes pue atopase entá bones muestres de les cases hurdanes construyíes dafechu con piedra de pizarra y cubiertes con lloses de pizarra. Estes viviendes tán emparentaes cola palloza del noroeste ibéricu. El so orixe ye prerromanu, quiciás celta con semeyances nes edificaciones de la cultura castreña.[5]. Muncha xente puxa pola conservación d'estes construcciones tan característiques y nun se destruyan y que sían declaraos núcleos antiguos como Bien d'Interés Cultural.[6]

Economía[editar | editar la fonte]

Históricamente foi una comarca aisllada del so entornu y de difíciles condiciones econímiques pa los sos habitantes, pero básase nel autoabastecimientu al traviés de pequenos cultivos de varios tipos. La población distribúise en pequenos pueblos de 100 a 400 habitantes y en dalgunes alqueríes. La economía tradicional de LAs Hurdes basóse en productos naturales del llugar: miel, olivar, patates, cereales, corchu, carbón de brezu, etc. Na actualidá, la economía comarcal meyoró enforma. El turismu rural ta cobrando cada vez más importancia.

Referencies[editar | editar la fonte]

  1. Ortografía tradicional
  2. Propuesta ortográfica d'Ismael Carmona Garcia en Ortografía del extremeño y que ye utilizada na wikipedia n'estremeñu
  3. Últimu datu oficial publicáu pol Instituto Nacional de Estadística, estrayíu de Wikidata.
  4. Herrero Uceda, Miguel y Elisa: Mi Extremadura. Elam editores. 2012 ISBN 9788493658540
  5. Domínguez Moreno, José María, "Casa Hurdana" Revista de Folklore número: 034 Año: 1983 Págs: 111-119
  6. Arquiteutura tradicional hurdana. Celtiberia