Lalibela
 Lalibela | |
|---|---|
 Ilesia de San Jorge en Lalibela (Etiopía). | |
| Alministración | |
| País |  Etiopía |
| Rexones | Rexón d'Amhara |
| Zona | Semien Wollo |
Woreda (es)  | Lasta |
| Tipu d'entidá | asentamientu humanu |
| Xeografía | |
| Coordenaes | 12°02′08″N 39°02′46″E / 12.035561°N 39.046203°E |
  Lalibela Lalibela (Etiopía) | |
| Altitú | 2500 m |
| Más información | |
| Estaya horaria | UTC+03:00 |
 | |
Lalibela ye una ciudá monástica del norte d'Etiopía, la segunda ciudá santa del país, dempués d'Aksum; ye un importante centru de pelegrinación. La so población pertenez casi na so totalidá a la Ilesia ortodoxa etíope.
Ta asitiada nel estáu federáu d'Amhara, a 2.500 msnm. Según l'Axencia Central d'Estadística d'Etiopía, la so población en 2005 yera de 14.668, 7.049 homes y 7.619 muyeres.[1]
Lalibela, d'antiguo llamada Roha, foi la capital de la dinastía Zagüe. Recibió'l so nome actual del rei Gebra Maskal Lalibela (1172-1212), canonizáu pola Ilesia etíope, que quixo construyir na ciudá una nueva Xerusalén en respuesta a la conquista de Tierra Santa polos musulmanes. Munchos de los sos edificios históricos tomaron el so nome d'edificios naquella ciudá.
La ciudá alluga les famoses ilesies tallaes na roca de Lalibela, construyíes mientres el reináu de Gebra Maskal Lalibela y declaraes Patrimoniu de la Humanidá pola Unesco en 1978.[2] La más emblemática ye la de Beta Girorgios (La casa de San Jorge) con planta de cruz griega y quince metros d'altor, tallada íntegramente na roca.
Cerca de les ilesies atopen el monesteriu de Ashetan Maryam y la ilesia de Yemrehana Krestos, del sieglu XI, construyida al estilu axumita, allugada nuna cueva.
Ver tamién
[editar | editar la fonte]Referencies
[editar | editar la fonte]- ↑ CSA 2005 National Statistics, Tabla B.3
- ↑ «Rock-Hewn Churches, Lalibela». UNESCO Culture Sector. Consultáu'l 8 de xineru de 2013.
Enllaces esternos
[editar | editar la fonte]
Wikimedia Commons acueye conteníu multimedia sobre Lalibela.
