L2 Puppis

De Wikipedia
Saltar a navegación Saltar a la gueta
L2 Puppis
L2 Puppis
Constelación Puppis
Ascensión reuta α 07h 13min 32,32s
Declinación δ -44º 38’ 23,1’’
Distancia 198 años lluz
Magnitú visual +2,6 a +6,2 (variable)
Magnitú absoluta +0,48
Lluminosidá 1500 - 2400 soles (bolométrica)
Temperatura 3400 K
Radiu 85 soles
Tipu espectral M5III
Velocidá radial +53 km/s

L2 Puppis (L2 Pup / HD 56096 / HR 2748 / HIP 34922) ye una estrella variable na constelación de Puppis, la popa del míticu Argo Navis. Alcuéntrase a 198 años lluz de distancia del Sistema Solar.

L2 Puppis ye una xigante colorada de tipu espectral M5III. La so temperatura superficial ye más fría que la del Sol, 3400 K, y relluma con una lluminosidá entendida ente 1500 y 2400 vegaes la lluminosidá solar. La mayor parte de la radiación qu'emite ye radiación infrarroxo y non lluz visible. Con una masa ente 1 y 3 mases solares, L2 Puppis posiblemente alcuéntrase nes primeres etapes de la so muerte como estrella, con un nucleu inerte de carbonu y oxíxenu. Pierde masa per mediu del vientu estelar que sopla dende la so superficie, anque la baxa velocidá d'ésti —del orde d'unos pocos km/s—, suxure que la estrella alcuéntrase nes sos primeres fases como variable Mira. El gas y el polvu en redol a la estrella producen un máser de monóxidu de siliciu.

L2 Puppis ye una estrella pulsante y variable semirregular. El so rellumu bazcuya ente magnitú aparente +2,6 —cuando anda a la tema coles estrelles más brilloses de la constelación— y +6,2, con un llargu periodu de 141 díes.

Ver tamién[editar | editar la fonte]

Referencies[editar | editar la fonte]