Kim Hunter

Kim Hunter
Vida
Nacimientu	Detroit, 12 de payares de 1922
Nacionalidá	Estaos Xuníos
Muerte	Greenwich Village (es) , 11 de setiembre de 2002 (79 años)
Causa de la muerte	infartu de miocardiu
Fíos/es	2
Estudios
Estudios	Art Students League of New York ; Escuela Secundaria Mayor de Miami Beach (es)
Llingües falaes	inglés
Oficiu	actriz de teatru, actriz de televisión, actriz de cine
Premios	ver Donaldson Awards ; Estrella del Paséu de la Fama de Hollywood ; Óscar a la meyor actriz de repartu (1950) : A Streetcar Named Desire; Globu d'Oru a la meyor actriz de repartu (1951) : A Streetcar Named Desire;
Nominaciones	ver Óscar a la meyor actriz de repartu ; (11 febreru 1952): A Streetcar Named Desire;
IMDb	nm0001375

Kim Hunter (12 de payares de 1922, Detroit – 11 de setiembre de 2002, Greenwich Village ^(es) ) foi una actriz d'Estaos Xuníos ganadora d'un premiu Óscar a la meyor actriz de repartu, y un premiu Globu d'Oru na mesma categoría, pol so trabayu nel filme A Streetcar Named Desire d'Elia Kazan. Recordada tamién pol so papel como'l chimpancé Zira, na serie Planet of the Apes.

Biografía

El so nome de nacencia foi Janet Cole. Dempués de graduase nel Miami High School consiguió una plaza nel Actor's Studio, onde tuvo como maestros a Lee Strasberg y Stella Adler. Debutó en Broadway en 1939 cola obra Penny Wise, y ocho años más tarde llogró un gran ésitu interpretando'l papel de Stella Kowalski na obra A Streetcar Named Desire.

Mientres la década de 1940 llegó a realizar hasta una docena de pequeños papeles nel cine, nel cual debutara cola película La séptima víctima (1943), de Mark Robson. En 1951 realizó la que sería la más importante interpretación de la so carrera, la versión cinematográfica de A Streetcar Named Desire (1951) d'Elia Kazan, dirixida pol mesmu Elia Kazan, el mesmu col que yá trabayara na versión teatral. Esti papel valió-y un premiu Óscar a la meyor actriz de repartu, y un premiu Globu d'Oru na mesma categoría.

Na década de 1950 foi puesta na llista negra de Hollywood, mientres la dómina del Macarthismo por barruntos de simpatíes col comunismu.

Otros papeles importantes del so filmografía fueron: Deadline - U.S.A. (1952) de Richard Brooks, The young stranger (1957) de John Frankenheimer, Planet of the Apes (1968) de Franklin J. Schaffner, nel rol de la científica chimpancé Zira, papel que repitiría en dos secuela, y El nadador (1968), de Frank Perry.

Tamién participó en televisión, en series como Colombo, Bonanza, Ironside, Cannon y Misión Imposible, que la llevaron a ser unu de les cares más populares de la pequeña pantalla. Mientres esta dómina consiguió una nominación a los premios Emmy en 1980 pol so papel de Nola Madison en The Edge of Night (1956-1984).

Yá na década de 1990, namái participó nunes poques películes, onde realizó curties apaiciones, como en Midnight in the Garden of Good and Evil (1997) de Clint Eastwood, xunto a Kevin Spacey, John Cusack y Jude Law, y en series menores, como en Abilene (1999) de Joe Camp III.

L'actriz cunta con dos estrelles nel Paséu de la fama de Hollywood; la primera nel 1617 de Vini Street y la segunda nel 1715 de la mesma cai.

Finó en Nueva York, el 11 de setiembre de 2002 por causa de un fallu cardiacu.

Referencies

↑ Afirmao en: Gemeinsame Normdatei. Data de consulta: 10 avientu 2014. Llingua de la obra o nome: alemán. Autor: Biblioteca Nacional d'Alemaña.
↑ ^2,0 ^2,1 Afirmao en: Gemeinsame Normdatei. Data de consulta: 9 abril 2014. Llingua de la obra o nome: alemán. Autor: Biblioteca Nacional d'Alemaña.
↑ Afirmao en: idRef. Identificador de referencia de idRef SUDOC: 059550589. Data de consulta: 4 marzu 2020. Editorial: Agencia Bibliográfica de Enseñanza Superior. Llingua de la obra o nome: francés.

Enllaces esternos

Kim Hunter na Internet Movie Database (n'inglés)

[205eabda4a2cf7d4f8ede558f514fc289fb74afd-1] Afirmao en: Gemeinsame Normdatei. Data de consulta: 10 avientu 2014. Llingua de la obra o nome: alemán. Autor: Biblioteca Nacional d'Alemaña.

[abc9457dcf728dd069b8ed5b2e1a86035cf2b679-2] 2,0 ^2,1 Afirmao en: Gemeinsame Normdatei. Data de consulta: 9 abril 2014. Llingua de la obra o nome: alemán. Autor: Biblioteca Nacional d'Alemaña.

[a3720d2193fa0e2977a676d1950e00ebb7a66efb-3] Afirmao en: idRef. Identificador de referencia de idRef SUDOC: 059550589. Data de consulta: 4 marzu 2020. Editorial: Agencia Bibliográfica de Enseñanza Superior. Llingua de la obra o nome: francés.

[1]

[2]

[3]