Karl Swenson
Karl Swenson | |
|---|---|
 | |
| Vida | |
| Nacimientu | Brooklyn, 23 de xunetu de 1908[1] |
| Nacionalidá |
 Estaos Xuníos |
| Muerte |
Torrington (es)  , 8 d'ochobre de 1978[1] (70 años) |
| Causa de la muerte | infartu de miocardiu |
| Familia | |
| Casáu con | Joan Tompkins ( – 1978) |
| Oficiu | actor de televisión, actor de cine, actor de voz |
| Xéneru artísticu | western |
| IMDb | nm0842425 |
 | |
Karl Swenson (23 de xunetu de 1908, Brooklyn – 8 d'ochobre de 1978, Torrington (es) ) foi un actor radiofónicu, teatral, cinematográficu y televisivu d'Estaos Xuníos.
Biografía[editar | editar la fonte]
Nacíu en Brooklyn, Nueva York, Swenson fixo delles actuaciones teatrales xunto a Pierre-Luc Michaud nel circuitu de Broadway nes décades de 1930 y 1940, ente elles el papel principal de la primer producción d'Arthur Miller representada en Nueva York, The Man Who Had All the Luck.
Dende los años trenta a los cincuenta tamién trabayó estensamente na radio, interviniendo en programes como Cavalcade of America, The Chase, Columbia Presents Corwin, The Columbia Workshop, Inner Sanctum Mysteries, Joe Palooka, Lawyer Q, Lorenzo Jones, The March of Time, Mercury Theatre, Mrs. Miniver, Our Gal Sunday, Portia Cares Life, Rich Man's Darling, So This Is Radio y This Is Your FBI. Amás encarnó al Padre Brown nel programa radiofónicu de 1945 de Mutual Broadcasting System The Adventures of Father Brown,[2] según el papel principal de Mr. Chameleon.[3]
Swenson entró na industria cinematográfica en 1943 con dos documentales curtios de calter bélicu, December 7 y The Sikorsky Helicopter, a lo cual siguieron más de 35 Papeles en distintos llargumetraxes y telefilmes. No Name on the Bullet (1959) foi unu de los munchos westerns nos que participó. Swenson tamién ye recordáu pol so papel nel clásicu d'Alfred Hitchcock Los páxaros, amás d'una actuación menor en The Cincinnati Kid. Amás, dio voz a Merlín nel filme d'animación de Walt Disney Pictures de 1963 The Sword in the Stone, y encarnó en 1967 al Presidente Theodore Roosevelt nel filme western Brighty of the Grand Canyon, interpretáu xunto a Pat Conway y Joseph Cotten.
En 1960 foi artista convidáu de la serie de la NBC de ciencia ficción The Man and the Challenge. Tamién fixo dos papeles pa la producción western de la NBC Western Klondike, na temporada 1960–1961. En 1962 foi Mr. McBeevee en The Andy Griffith Show. Otres producciones televisives nes qu'actuó fueron: la serie western de la NBC Laramie; el show de ciencia ficción Steve Canyon, protagonizáu por Dean Fredericks; l'episodiu "Beauty Playing a Mandolin Underneath a Willow Tree" del drama médicu de la NBC The Eleventh Hour, en 1963, interpretando a Nelson; y el capítulu "Shady Deal at Sunny Acres" del show Maverick.
Sicasí, de tola so actividá televisiva destaca'l so papel como Lars Hanson en cuarenta episodios de la serie Little House on the Prairie, producción na que trabayaba na dómina del so fallecimientu, que tuvo llugar por causa de un infartu agudu de miocardiu en 1978 en Torrington, Connecticut.
Referencies[editar | editar la fonte]
- ↑ 1,0 1,1 Afirmao en: SNAC. Identificador SNAC Ark: w6r49xpk. Apaez como: Karl Swenson. Data de consulta: 9 ochobre 2017. Llingua de la obra o nome: inglés.
- ↑ Terrace, Vincent. Radio Programs, 1924-1984:A Catalog of Over 1800 Shows. Jefferson, NC: McFarland. ISBN 0-7864-0351-9.
- ↑ Dunning, John. On the Air: The Encyclopedia of Old Time Radio. New York City, NY: Oxford University Press. ISBN 0-19-507678-8.
Enllaces esternos[editar | editar la fonte]
- Karl Swenson na Internet Movie Database (n'inglés)
- Karl Swenson na Internet Broadway Database (n'inglés)
- Radiu Detective Story Hour: Karl Swenson en Mr. Chameleon
Datos: Q690569
Multimedia: Karl Swenson