Juan Antonio Cabezas

De Wikipedia
Saltar a navegación Saltar a la gueta
Juan Antonio Cabezas
Vida
Nacimientu Cangues d'Onís16  de marzu de 1900
Nacionalidá Bandera d'España España
Fallecimientu

10  d'avientu de 1993

(93 años)
Estudios
Llingües castellán
Oficiu
Oficiu escritor y periodista
Cambiar los datos en Wikidata

Juan Antonio Cabezas Canteli foi un escritor y periodista asturianu nacíu en Peruyes (Cangues d'Onís) el 16 de marzu de 1900 y fináu en 1993. Cabezas emigró a Cuba a los 16 años y tornó 5 años dempués.Dedicóse profesionalemte a la lliteratura y al periodismu.

Juan Antonio Cabezas foi redautor y direutor del diariu uvieín "El Carbayón" dende 1927 a 1932 y redautor del diariu socialista Avance en 1936 y 1937.Foi tamién collaborador y redautor de «El Sol» y de «España de Tánger», miembru de la redaición de «ABC» y corresponsal de la «America Literary Agency», de Nueva York. Cabezas Viaxó por numeberosos países d'Europa y América y pronunció conferencies n'universidaes y centros culturales.

Guerra Civil[editar | editar la fonte]

Al entamu la Guerra Civil yera redautor del diariu socialista asturianu "Avance", tuvo qu'abandonar Uviéu cuando ya Aranda se sublevare. Torna a collaborar con "Avance" tres la so reapertura en Xixón en xineru de 1937. Embarcáu nún de los munchos barcos pesqueros que salieron de Xixón y Avilés, cuando les tropes franquistes tan a piques de ocupar tol territoriu asturianu, foi prindáu n'alta mar y lleváu al campu de concentración de Cedeira(La Coruña, Galicia) y llueu al antiguu colexu de los xesuites en Camposancos (La Guardia, Pontevedra) tamién en galicia onde ye condergáu a muerte nun Conseyu de Guerra, que sedrá conmutada 1941 y Cabezas quedará llibre en 1944.

De les esperiencies vivides nesti tiempu dexcó escritos dos llibros:

  • "Asturias, catorce meses de Guerra Civil". Onde reseña el periodu de la Guerra n'Asturies y la so odisea tres la cayía d'Asturies.
  • "Morir en Oviedo" qu'inclúi tamién un rellatu de la Revolución Asturiana de 1934.

Obra[editar | editar la fonte]

Amás de les reseñaes sobre les vivencies de la Guerra Jose Antonio Cabezas ye l'autor de munchísimes biografíes ente les que s'alcuentren:

  • «Clarín, un provinciano universal», Madrid, 1936.
  • «Concepción Arenal, o el sentido romántico de la justicia», Madrid, 1942;
  • «Rubén Darío, un poeta y una vida», Madrid, 1944 (premiu «Fastenrath» 1945, de la Real Academia Española);
  • «Madrid. Biografía de una ciudad», Barcelona, 1954 (premiu «Madrid» 1955, del Ayuntamientu de Madrid);
  • «Asturias. Biografía de una región», Madrid, 1956;
  • «Lope de Vega, su vida, sus obras, su época», Madrid, 1962;
  • «Miguel de Cervantes, autor del Quijote», Plasencia, 1962;
  • «Diccionario de Madrid», Madrid, 1968 (premiu «Madrid» 1969, del Ayuntamientu de Madrid);
  • «Jovellanos», Madrid, 1985;
  • «Cervantes en Madrid», Madrid, 1991;

Tamién escribió noveles ente les que tan:

  • «Señorita 03», Madrid, 1932.
  • «Héroe de paz», 1946;
  • «La ilusión humana», 1949;
  • «Dos corazones con ruedas», 1953;
  • «La montaña rebelde», Madrid, 1960 (premiu «Gabriel Miró» 1959, del Ayuntamiento de Alicante);
  • «La máscara del alma», Madrid, 1961 (premiu «Pedro Antonio Alarcón» 1961, Madrid);
  • «La casa sin cimientos», Madrid, 1963;
  • «Ñandú», Oviedo, 1990 (premiu del Instituto de Cultura Hispánica 1953

Otres obres suyes son:

  • «Nazismo contra cristianismo», 2 t., Madrid, 1946 (escrita en collaboración con J. M. Vega, colos nomatos de J. A. Kopfe y M. de Juan);
  • «Obras selectas de Clarín», recopilación y prólogu, Madrid, 1947;
  • «El fin del mundo», Madrid, 1950;
  • «Madrid, Madrid, Madrid» (cróniques), 1955;
  • «Israel, de la Biblia al tractor», Madrid, 1961;
  • «Madrid, escenarios y personajes», Madrid, 1968 (premiu «Castillo de Chirel» 1968, de la Real Academia Española);
  • «Morir en Oviedo» (crónicas), 1984; «Madrid y sus judíos» (crónicas), Madrid, 1987;

También escribió dellos guiones cinematográficos, en collaboración con Vega Pico. En 1962 dirixó, con guión propiu, el documental «Así es Asturias» que contién la única filmación conservada de la osa Petra.