José Manuel Cuervo Fernández

José Manuel Cuervo Fernández
alcalde miembru del Senáu español
Vida
Nacimientu	Allande, 10 de setiembre de 1948 (76 años)
Nacionalidá	España
Estudios
Estudios	Universidá Politéunica de Madrid
Llingües falaes	castellanu
Oficiu	políticu
Llugares de trabayu	Madrid
Creencies
Partíu políticu	Partíu Socialista Obreru Español

José Manuel Cuervo Fernández (10 de setiembre de 1948, Allande) ye un políticu asturianu adscritu al PSOE. Foi alcalde de Cangas ente 1983 y 2007 y senador ente 2008 y 2011.

Vida personal

Ye arquiteutu téunicu pola Universidá Politéunica de Madrid y profesor d'enseñanza secundaria nel IES de Cangas.

Vida política

Foi escoyíu alcalde de Cangas en 1983, siendo reelixíu en 1987, 1991, 1995, 1999 y 2003. En 1983 llogró 7 conceyales por 6 del PCE, 5 d'AP y 3 independientes; en 1987 llogró 10 conceyales por 3 de AP, 3 de la IX y 5 del CDS; en 1991 llogró 11 conceyales (mayoría absoluta) por 6 del PP, 3 d'IX y 1 del PAS; en 1995 el conceyu pasó de tener 21 conceyales a tener 17, polo que llogró 8 coneyales, por 6 del PP, 2 d'IX y 1 de la PAS; en 1999 llogró 9 coneyales por 5 del PP, 2 d'IX, 1 d'URAS y 1 independiente; en 2003 llogró 7 conceyales por 7 del PP, 2 d'IX y 1 de URAS; aquelles eleiciones fueron nes que peores resultancies llogró dende 1983 yá que s'impunxo al PP por namái 100 votos y robló un pactu de gobiernu con IX (nes eleiciones precedentes nes que nun llogró mayoría absoluta gobernó en minoría). Nesti gobiernu formaba parte como Segundu Teniente d'Alcalde y Conceyal d'Urbanismu l'actual alcalde José Manuel Martínez González.

En 2007 foi desallugáu de l'alcaldía a pesar de ser el ganador de les eleiciones de resultes d'un pactu ente PP y IX. En perdiendo l'alcaldía en 2007, acepta formar parte del equipu asesores del conseyeru d'Educación y Ciencia del Principáu d'Asturies, José Luis Iglesias Riopedre.

Finalmente, en 2007, llogró 8 conceyales por 6 del PP y 3 d'IX, quedándose a namái 50 votos de la mayoría absoluta pero pola mor del pactu ente PP ya IX foi estremáu de l'alcaldía. Empecipiáronse les negociaciones con IX, que sostienen entós que si nun había pactu de gobiernu nun sofitaríen al PSOE, rompiéndose les negociaciones al poco tiempu ensin llegase a un alcuerdu. Esti frayatu preciede la mesma que va asoceder a nivel rexonal pola que'l PSOE gobierna en minoría n'Asturies. Mientres la sesión de invistidura, la sorpresa foi cuando foi investido alcalde José Manuel Martínez González, d'IX, colos votos del PP, empecipiándose una gran discutiniu local y rexonal. IX suspende de militancia a los conceyales escoyíos en Cangas pa intentar salvar el pactu de gobiernu rexonal, pero esta midida nun surte efeutu. Mientres 2 selmanes hubo esperanza de que fora devuelta l'alcaldía canguesa al PSOE pero finalmente eso nun asocedió polo que Jose Manuel Cuervo quedó como xefe de la oposición. El nuevu alcalde esixe pa dimitir que Cuervo s'estremara del PSOE y que dexe'l puestu al segundu na llista socialista (José Luis López Díaz) a lo que'l PSOE negóse. Por cuenta de toos estos y otros sucesos, los conceyales d'IX y del PP fueron espulsaos de los sos respeutivos partíos en función al Pactu Antitransfuguismo, calteniéndose entá en suspensu esta espulsión nel casu de los conceyales d'IX una y bones los del PP fueron readmitidos antes de les xenerales del 2008.

En 2008 foi nomáu senador per Asturies, tres les eleiciones xenerales de 2008. Como senador foi vicepresidente primeru de la Comisión del Reglamentu, vocal de la Comisión d'Industria, Comerciu y Turismu, vocal de la Comisión de Vivienda y vocal de la Comisión Mista pal estudiu del cambéu climáticu, de la que foi ponente.

Referencies

• Datos: Q5942038