José García González

De Wikipedia
Saltar a navegación Saltar a la gueta
José García González
Vida
Nacimientu

Castieḷḷo (Ḷḷena)1938

(80/81 años)
Nacionalidá Bandera d'España España
Estudios
Estudios Universidá de Granada
Nivel d'estudios doctor en medicina
Llingües castellanu
Oficiu
Oficiu políticu, psiquiatra, médicu y neurólogu
Creencies
Partíu políticu Federación Socialista Asturiana
Partíu Socialista Obreru Español
Cambiar los datos en Wikidata

José García González (Vega del Rei, Ḷḷena, 1938) ye un siquiatra y neurólogu español, que tamién ostentó diverses responsabilidaes polítiques nel Gobierno del Principáu d'Asturies, de la mano del PSOE.

Biografía[editar | editar la fonte]

Se doctoró en medicina pola Universidá de Granada, cola tesis Hestoria social de la psiquiatría n'España, y amplió los sos estudios en Alemaña y Suiza, onde tamién exerció profesionalmente. Ye espertu en psiquiatría social y autor de delles publicaciones.

Participó viviegamente nos movimientos de tresformamientu psiquátrica de los años setenta nel Hospital Psiquiátricu de Uviéu y nel Sanatoriu Psiquiátricu de Conxo en Santiago de Compostela, desenvolviendo destacaes meyores. Coles mesmes, collaboró na creación del Sistema d'Especialización MIR, establecíu tamién na década de 1970.

Foi miembru de la Comisión d'Espertos qu'ellaboró l'informe de la comisión ministerial pa la reforma psiquiátrica, y presidente de l'Asociación Española de Neuropsiquiatría (1983-1986). Amás, tamién foi responsable del Serviciu Mental del Hospital Xeneral d'Asturies.

Actividá política[editar | editar la fonte]

Cola constitución del gobiernu pre-autonómicu del Principáu d'Asturies en 1982, presidíu por Rafael Fernández Álvarez, foi nomáu Director Rexonal de Salú Mental, cargu que revalidó en 1983 siendo Presidente del Principáu d'Asturies Pedro de Silva Cienfuegos-Xovellanos, y que caltuvo hasta 1987[ensin referencies]. El so llabor nesta responsabilidá sentó les bases y organización de la reforma psiquiátrica del Principáu, que la so relevancia foi reconocida pola Organización Mundial de la Salú, al tomala como centru collaborador pa esa especialidá[ensin referencies].

Darréu, ente 1991 y 1995, foi Conseyeru de Sanidá y Servicios Sociales nos gobiernos presidíos por Juan Luis Rodríguez-Vigil (1991-1993) y Antonio Trevín (1993-1995). Más tarde, en 1999, en siendo investido Presidente del Principáu d'Asturies Vicente Álvarez Areces, entró a formar parte del so gobiernu como Conseyeru d'Asuntos Sociales, cargu que caltuvo hasta 2003.[1]

Ver tamién[editar | editar la fonte]

Referencies[editar | editar la fonte]

  1. [1] "Conseyos de Gobiernu del Principáu d'Asturies, dende 1982". Xunta Xeneral del Principáu d'Asturies.




José García González