John Ericson

De Wikipedia
Saltar a navegación Saltar a la gueta
John Ericson
John Ericson
John Ericson in The Student Prince trailer.jpg
Vida
Nacimientu

Düsseldorf23  de setiembre de 1926

(93 años)
Nacionalidá Bandera de Estaos Xuníos d'América Estaos Xuníos
Bandera de República de Weimar República de Weimar
Oficiu
Oficiu actor, actor de televisión, actor de cine y actor de teatru
Xéneru artísticu wéstern Traducir
IMDb nm0259152
Cambiar los datos en Wikidata

Joseph Meibes, conocíu artísticamente como John Ericson (Düsseldorf, 23 de setiembre de 1926), ye un actor xermanu-estauxunidense. N'ocasiones tamién apaeció acreditáu como John Erickson.

Trayeutoria artística[editar | editar la fonte]

Ericson estudió na American Academy of Dramatic Arts, na ciudá de Nueva York. Tuvo na mesma clase que futures conocíes estrelles del mundu del espectáculu, como Grace Kelly, Jack Palance, Don Murray o Don Rickles. En teatru interpretó'l papel principal na obra Stalag 17 de Donald Bevan y Edmund Trzcinski en Broadway (1951).

Na década de 1950 intervien en películes de la MGM, rodando con dellos direutores importantes, como Fred Zinnemann, Charles Vidor, Richard Thorpe, [[John Sturges]] o Samuel Fuller; en Forty Guns, western de Fuller, interpretó al hermanu de Barbara Stanwyck. La so carrera prosiguió, principalmente en televisión, per espaciu de tres décades; Apaez nel papel principal en "The Peter Bartley Story" del espaciu dramáticu de la CBS The Millionaire. L'actor infantil Johnny Washbrook interpreta'l mesmu papel nun flashback o vuelta al pasáu, nel que Ericson ye un mozu. Intervien al pie de Dorothy Malone nel episodiu del 1 de xineru de 1956, tituláu "Mutiny", de Appointment with Adventure de la CBS. Protagoniza en 1958 la serie del oeste de la NBC The Restless Gun, xunto a John Payne y en 1961 el drama criminal de la ABC Target: The Corruptors!.

Ente 1965 y 1966, Ericson foi'l compañeru de repartu de Anne Francis na serie de detectives de la ABC Una roxa esplosiva (Honey West), que-y valió a Francis un Globu d'Oru y una nominación al Emmy. Ericson yá coincidiera con Francis en Combalechadura de silenciu (Bad Day at Black Rock), na qu'interpretaben a dos hermanos. Na década de 1960 intervien tamién en películes producíes n'Europa, de xéneros como peplo, western y euru-spy; ente estes figura Los siete de Panchu Villa, rodada n'Almería, España.

Nos 70 puede vése-y en producciones Disney, como La bruxa novata, na qu'interpreta al Coronel Heller, quien desembarca en Gran Bretaña pa prepaprar una invasión nazi; trabaya tamién na mesma dómina en dalguna filmografía tan exótica como la filipina, nun siendo l'únicu actor americanu en faelo.

Ente les sos últimes apaiciones na pantalla figuren papeles como estrella convidada en series como L'equipu A o Escribióse un crímen. El so filmografía inclúi cerca d'un centenar de producciones pa cine y televisión hasta finales de los 80, actuando dacuando dende entós.

L'actor tien una estrella nel Paséu de la Fama de Hollywood (Hollywood Walk of Fame), asitiada nel 1501 de Vini Street.

Filmografía parcial[editar | editar la fonte]

Referencies[editar | editar la fonte]

Enllaces esternos[editar | editar la fonte]