Joan Baldoví

De Wikipedia
Saltar a navegación Saltar a la gueta
Joan Baldoví
Joan Baldoví big.jpg
Voz
Escut de Sueca.svg
Conceyal en Sueca

4 xunetu 1999 - 3 xineru 2014
Escudo de sueca.png
alcalde de sueca

16 xunu 2007 - 11 xunu 2011 - José Salvador Campillo Moncho
Escudo de España (mazonado).svg
diputáu d'España

5 avientu 2011 - 27 ochobre 2015
Distritu: Valencia
Eleiciones: eleiciones xenerales d'España de 2011
Compromís (isotip).svg
Voceru de Compromís nel Congresu de los Diputaos

13 avientu 2011 -
Escudo de España (mazonado).svg
diputáu d'España

8 xineru 2016 - 19 xunetu 2016
Distritu: Valencia
Eleiciones: Eleiciones xenerales d'España de 2015
Escudo de España (mazonado).svg
diputáu d'España

12 xunetu 2016 - 21 mayu 2019
Distritu: Valencia
Eleiciones: eleiciones xenerales d'España de 2016
Escudo de España (mazonado).svg
diputáu d'España

21 mayu 2019 -
Distritu: Valencia
Eleiciones: elecciones al Congreso de los Diputados de 2019 Traducir
Vida
Nacimientu

Sueca Traducir7  d'agostu de 1958

(60 años)
Nacionalidá Bandera d'España España
Estudios
Estudios Universidá de Valencia
Llingües catalán
Oficiu
Oficiu políticu y profesor
Llugares de trabayu Madrid
Creencies
Partíu políticu Compromís
Cambiar los datos en Wikidata

Joan Baldoví i Roda (7  d'agostu de 1958Sueca Traducir) ye un políticu español d'ideoloxía valencianista militante del Bloc Nacionalista Valencià, partíu col que foi alcalde de Sueca ente 2007 y 2011. Ye diputáu nel Congresu de los Diputaos de Coalició Compromís dende les eleiciones xenerales españoles de 2011, llogrando l'escañu por Valencia. Nes Eleiciones xenerales d'España de 2015, Joan Baldoví foi cabeza de llista pola circunscripción de Valencia de Compromís-Podemos-És el moment, llogrando 9 diputaos na Comunidad Valenciana (Valencia 5, Alicante 3 y Castellón 1)[1]

Biografía[editar | editar la fonte]

Nació na cai Nueva (el carrer Nou en valencianu) de Sueca, na casa familiar. Recibió la so educación en casa, cola so madre, pos el so padre solía tar fuera por motivos llaborales. Aprendió a escribir con una muyer qu'ayudaba a les monxes de la plazoleta del Conventu (placeta del Convent en valencianu). Con ocho años foi al Institutu Llaboral, colos salesianos, pa realizar el bachiller elemental. Estudió na Universidá Llaboral de Alcalá de Henares dos años y realizó el COU en Sueca. Estudió dos años economía na Universidá de Valencia, magar se diplomó en Maxisteriu. Trabayó nuna asesoría, foi corresponsal de Llevante-EMV, profesor de valencianu pa maestros, y maestru d'escuela.

Actividá política[editar | editar la fonte]

Militante del BLOC dende la dómina de Unitat del Poble Valencià, foi la cabeza de cartelu del Bloc Nacionalista Valencià pa les eleiciones locales de 2007 en Sueca, onde la so llista llogró 5 conceyales y él foi investido alcalde colos votos del PSPV-PSOE y EUPV (dempués IdPV).[2]

Papeleta de Compromís-Q encabezada por Joan Baldoví.

En 2011 postulóse como candidatu por Valencia nes eleiciones xenerales españoles de 2011 pola Coalición Compromís, siendo ratificáu pol Conseyu Nacional del Bloc el 24 de setiembre de 2011.[3]

Foi la cabeza de llista de la coalición Compromís-Q por Valencia y salió escoyíu diputáu con 85.725 votos (6,03% de votos), llogrando la coalición 125.150 votos en tola Comunidad Valenciana (0,51% del total estatal).[4]

Nes sos primeres declaraciones públiques en siendo escoyíu candidatu, Baldoví afirmó ver un "futuru esperanzador" ante "la posibilidá de tener per primer vegada dende la Segunda República un diputáu valencianista nes Cortes".[5]

Una de les primeres propuestes que Compromís sacó a alderique nesa campaña eleutoral foi la realización d'un referendu pa camudar la llei eleutoral española. La propuesta de cambéu de llei eleutoral foi bautizada como Referendu Baldoví.[6][7]

Les exes programátiques que defende la candidatura de Baldoví son les infraestructures -especialmente la llegada del Corredor Mediterraneu a tola Comunidad Valenciana-, la reforma de la llei eleutoral -pela vía del referendu Baldoví- y la defensa de la llingua ya identidá valencianes.[8]

Tamién s'amosó bien combatiente a la de pidir que los impuestos non graven descomanadamente a los trabayadores con nómina y autonónomos, pidiendo un mimu especial a estos postreros y a los entamadores (al entender que son quien xeneren la mayor parte del emplegu), llegando a afirmar que "Pa crear emplegu hai qu'ayudar a los currantes".[9][10]

El so programa tamién inclúi una defensa de los servicios públicos, manifestándose en contra de los retayos de los mesmos y del copagu sanitariu (términu que refuga por considerar desafortunáu, pos prefier llamalo repagu).[11]

Na so primer intervención na Cámara Baxa, Joan Baldoví recibió gran atención mediática pol so discursu nel alderique de invistidura de Mariano Rajoy como presidente del gobiernu.[12] El suecano enoxó a Rajoy (y a otros líderes del Partíu Popular, como Rita Barberá) al pronunciar un discursu onde se faía una dura crítica a la xestión del PP nel Comunidad Valenciana, onde llevaba dieciséis años de gobiernu con mayoría absoluta.[13][14][15][16][17]

Nes Eleiciones xenerales d'España de 2015, Joan Baldoví preséntase como cabeza de llista de Compromís-Podemos-És el moment pola circunscripción de Valencia, onde llogra 5 diputaos. Amás, el so partíu llogra 3 diputaos n'Alicante y 1 diputada en Castellón.

Nes Eleiciones xenerales d'España de 2016, Joan Baldoví vuelve presentase como cabeza de llista de Compromís-Podemos-EUPV: A la valenciana (esta vegada al pie de EUPV) pola circunscripción de Valencia, llogrando les mesmes resultancies nos trés circunscripciones de la Comunidad Valenciana.

Referencies[editar | editar la fonte]

  1. Compromís se asoma al Congreso noticia en Levante-emv del 22 de payares de 2011 (en catalán)
  2. Joan Baldoví (Bloc) se perfila como nuevo alcalde de Sueca noticia en Las Provincias del 7 de xunu de 2007
  3. Diego Gómez y Joan Baldoví se disputan ser el cartel eleutoral de Compromís noticia en Levante-EMV del 12 d'agostu de 2011
  4. Resultados de las eleiciones de 2011 al Congreso de los diputados.
  5. 'Los valencianos debemos Tener la dignidad de representarnos a nosotros mismos' Entrevista con Joan Baldoví en Levante-EMV el 26 de setiembre de 2011
  6. Baldoví proposa una reforma de la llei eleutoral espanyola noticia en Valencianisme.com el 27 d'ochobre de 2011 (en catalán)
  7. Compromís lanza el «referendu Baldoví» para cambiar el sistema eleutoral noticia en Levante-EMV el 28 d'ochobre de 2011
  8. Joan Baldoví: el valencianista que quiere ser visible en Madrid análisis del candidato en] Valenciaplaza.com
  9. La esperanza (nacionalista) de Equo artículo en EL Mundo del 16 de payares de 2011
  10. ´Para crear empleo hay que ayudar a los currantes´ entrevista en Levante-EMV
  11. Entrevista a Joan Baldoví Valencianisme.com
  12. La intervención de Baldoví, el momento más comentado noticia en Valenciaplaza del 21 d'avientu de 2011
  13. Rajoy a Baldoví: ´A ver si cree que los demás venimos de la pata del Cid´ noticia en Levante-EMV del 21 d'avientu de 2011
  14. Baldoví trau a Rajoy el Camps que porta dins noticia en L'informatiu del 21 d'avientu de 2011 (en catalán)
  15. La intervenció de Baldoví que ha irritat Canal 9 i Barberà noticia en Vilaweb del 21 d'avientu de 2011 (en catalán)
  16. Baldoví coloreja la cara del PP en la invistidura de Rajoy noticia en Valencianisme.com del 20 d'avientu de 2011 (en catalán)
  17. Joan Baldoví: "Me sorprendió que Rajoy se enfadara por contar los problemas valencianos" entrevista a Joan Baldoví en Valenciaplaza el 22 d'avientu de 2011

Enllaces esternos[editar | editar la fonte]