Ji Cygni

De Wikipedia
Saltar a navegación Saltar a la gueta
Ji Cygni
Ji Cygni
Constelación Cygnus
Ascensión reuta α 19h 50min 33,9s
Declinación δ +32º 54’ 51’’
Distancia 346 años lluz (aprox)
Magnitú visual +3,62 a +15,00
Magnitú absoluta +2,78
Lluminosidá 0,4 a 10.000 soles
Temperatura ≈ 3000 K
Radiu 300 soles (máximu)
Tipu espectral S6
Velocidá radial -1,9 km/s

Ji Cygni o Chi Cygni (χ Cyg / HD 187796 / HR 7564)[1] ye una estrella variable na constelación del Cisne. El so rellumu bazcuya ente magnitú aparente +3,30 y +14,20,[2] el mayor cambéu de lluminosidá conocíu nuna estrella si sálvense les esplosiones o españíos. L'astrónomu Gottfried Kirch afayó la so variabilidá en 1687,[3] cuando en xunetu de dichu añu reparó que la estrella sumiera del cielu, nun siendo visible de nuevu hasta'l mes d'ochobre. Apocayá, ente xunetu y agostu de 2005, el so rellumu algamó magnitú 3,8 d'alcuerdu a dellos informes de l'AAVSO, lo que constituyiría'l so rellumu máximu nos postreros 148 años.[4]

A una distancia averada de 346 años lluz del Sistema Solar, Ji Cygni ye una variable Mira con un periodu de pulsación de 408,05 díes. Con una temperatura igual o inferior a 3000 K, ye unes 3000 vegaes más lluminosa qu'el Sol. Tien un radiu 300 vegaes más grande qu'el radiu solar, comparable a la órbita del planeta Marte.[5]

Al avieyar les variables Mira, pueden bombiar carbonu del so nucleu escontra la superficie, aumentando la proporción d'esti elementu frente al d'oxíxenu. N'estrelles normales como'l Sol, la proporción d'oxíxenu ye enforma mayor que la de carbonu, ente que nes llamaes estrelles de carbonu —como La Superba (Y Canum Venaticorum)—, la proporción ye inversa. Ji Cygni, estrella del raru tipu espectral S (S6), ta a mediu camín ente dambes, siendo les proporciones de carbonu y oxíxenu similar. Igualmente destaca'l so altu conteníu en zirconiu, de resultes del procesu-s que tien llugar nesta clase d'estrelles. El so evolución dirá conducir definitivamente escontra una estrella de carbonu.[5]

Ver tamién[editar | editar la fonte]

Referencies[editar | editar la fonte]

  1. Chi Cygni (SIMBAD)
  2. Chi Cygni (The Bright Star Catalogue)
  3. The First Known Variable Stars (SEDS)
  4. Alan MacRobert. «Chi Cygni's Record-Breaking Maximum» (inglés). Sky and Telescope. Archiváu dende l'orixinal, el 11 d'abril de 2013. Consultáu'l 7 de setiembre de 2006.
  5. 5,0 5,1 Chi Cygni (Stars, Jim Kaler)