James Lipton

De Wikipedia
Saltar a navegación Saltar a la gueta
James Lipton
James Lipton35mm film frames.svg
James Lipton by David Shankbone.jpg
decano Traducir

Vida
Nacimientu

Detroit19  de setiembre de 1926

(93 años)
Nacionalidá Bandera de Estaos Xuníos d'América Estaos Xuníos
Familia
Padre Lawrence Lipton
Casáu/ada con Nina Foch  (1954 -  1959)
Oficiu
Oficiu actor, guionista, poeta, presentador de televisión, profesor, llibretista, escritor, actor de televisión, novelista, actor de cine, compositor y aviador
Emplegadores Universidad Pace Traducir
Premios
Creencies
Relixón ateísmu
IMDb nm0513851
Cambiar los datos en Wikidata

James Lipton (n. 19 de setiembre de 1926) ye un escritor, compositor y actor estauxunidense. Ye'l decanu eméritu de la Actors Studio Drama School de Pace University en Nueva York. Ye amás el productor executivu, guionista y presentador del programa de televisión Inside the Actors Studio, que debutó en 1994. Gracies a el so programa, foi nomáu a 15 premios Emmy, y en 2007 recibió un Emmy pola so trayeutoria.

Ye tamién pilotu y miembru de l'Aircraft Owners and Pilots Association. Lipton llogró'l grau de caballeru de la Orde de les Artes y les Lletres de Francia.

Biografía[editar | editar la fonte]

Primeros años[editar | editar la fonte]

Lipton nació en Detroit (Michigan), fíu de Betty Weinberg, profesora, y Lawrence Lipton, periodista d'orixe polacu.[1][2] El so padre foi l'autor del llibru The Holy Barbarians, que tuvo una bona acoyida dientro de la xeneración beat.[1] En 1944, James Lipton graduóse na Central High School en Detriot.

Carrera[editar | editar la fonte]

Unu de los sos primeros papeles como actor foi'l personaxe Dan Reid, nel radioteatro de El llaneru solitariu.[3] Lipton trabayó como guionista en delles series televisives, como Another World, The Edge of Night, Guiding Light, Return to Peyton Place y Capitol.[4] En 1951 actuó na obra de teatru The Autumn Garden, de Lillian Hellman. Dos años dempués apaeció na película independiente The Big Break, dirixida por Joseph Strick.

Lipton escribió'l musical de Broadway Sherry!, que tuvo basáu na obra The Man Who Came to Dinner de Moss Hart y George S. Kaufman. La música tuvo al cargu de Laurence Rosenthal. En 1968 publicó un llibru tituláu An Exaltation of Larks. Foi'l productor executivu de la gala d'inauguración presidencial de Jimmy Carter, la primera na historia en ser televisada. En 1983 publicó la novela Mirrors, que foi darréu afecha nuna película pa televisión.

En 1994 debutó'l programa de televisión Inside the Actors Studio, nel cual Lipton participa como guionista, productor y presentador. En cada episodiu del programa hai un invitáu distintu, yá sea un actor, direutor o guionista, que ye entrevistáu por Lipton alrodiu de la so carrera. Lipton entrevistó a más de 250 persones nel programa.[3][5] Inside the Actors Studio tuvo nomáu a 15 premios Emmy.[6]

Lipton actuó na serie Arrested Development, onde interpretó al direutor d'una prisión. Amás, participó como actor de voz na película animada Bolt, de Disney. En 2007 recibió un premiu Emmy pola so trayeutoria.[7]

Vida personal[editar | editar la fonte]

Lipton tuvo casáu cola actriz Nina Foch ente 1954 y 1959. En 1970 volvió contraer matrimoniu, esta vegada con Kedakai Turner.[2]

Referencies[editar | editar la fonte]

  1. 1,0 1,1 «USC Rare Books & Manuscripts: Lawrence Lipton» (inglés). University of Southern California. Consultáu'l 12 d'agostu de 2012.
  2. 2,0 2,1 «James Lipton Biography (1926-)» (inglés). Film Reference. Consultáu'l 12 d'agostu de 2012.
  3. 3,0 3,1 Tennant, Thomas. «Bio Brief: James Lipton» (inglés). About.com. Consultáu'l 12 d'agostu de 2012.
  4. «James Lipton» (inglés). IMDb. Consultáu'l 12 d'agostu de 2012.
  5. «James Lipton» (inglés). Bravo TV. Consultáu'l 12 d'agostu de 2012.
  6. «"Inside the Actors Studio" (1994) - Awards» (inglés). IMDb. Consultáu'l 12 d'agostu de 2012.
  7. «James Lipton - Awards» (inglés). IMDb. Consultáu'l 12 d'agostu de 2012.