Islla Stewart

Islla Stewart
	Stewart Island (en)
Situación
Reinos	Nueva Zelanda
Rexón	Southland
Distrito (es)	Distrito Southland (es)
Tipu	islla
Parte de	Nueva Zelanda
Asitiáu en	Océanu Pacíficu
Coordenaes	47°00′S 167°54′E / 47°S 167.9°E
	Islla Stewart Islla Stewart (Nueva Zelanda)
Datos
Altitú media	979 m
Puntu más altu	Mount Anglem / Hananui (en)
Superficie	1746 km²
Población	381
Fusu horariu	UTC+12:00

La islla Stewart (Rakiura en maorí) ye una islla de Nueva Zelanda, la tercera en tamañu del país.

Alcuéntrase allugada 30 km al sur de la islla Sur, dixebrada d'esta pol estrechu de Foveaux. Tien 400 habitantes aproximao, la mayoría establecíos na ciudá de Oban. Tien un área de 1746 km².

Xeografía[editar | editar la fonte]

La zona norte d'esta islla ta apoderada pol valle del ríu Freshwater. Esti ríu naz cerca de la mariña noroeste de la islla con dirección sureste na gran depresión del ancón de Paterson. El mayor picu ye'l monte Anglem, cerca de la mariña norte, con 979 metros de altor.

Historia[editar | editar la fonte]

El capitán James Cook, mientres el so primer viaxe d'esploración, foi'l primer européu n'acolumbrar esta islla, anque él pensó que s'alcontraba pegada a la islla Sur y nomola como «cabu Sur», en marzu de 1770.^[1]

Recién al entamu del sieglu XIX, los europeos diéronse cuenta de que yera una islla, y llamaronla Stewart n'honor al capitán William Stewart, qu'en 1809 foi'l primeru en faer una carta de saléu de la islla.

En 1841 el territoriu de la islla pasó a ser de la provincia de Nuevu Leinster y en 1846 fundiose cola islla Sur na provincia de Nuevu Munster, división que subsistió hasta 1876.^[2]

Población[editar | editar la fonte]

L'únicu asentamientu permanente na islla ye la villa de Oban, que s'alcuentra asitiada na badea de la Media Lluna (Half Moon Bay). Un asentamientu anterior yera Point Pegasus, que cuntaba con serviciu de corréu, dellos negocios y taba asitiada na mariña sur de la islla. Anguaño Point Pegasus alcuéntrase despoblao y namás ye accesible per mar o dempués d'un difícil camín travesando la islla.^[3]

Gobiernu[editar | editar la fonte]

No relativo al gobiernu local, la islla Stewart/Rakiura forma parte de la rexón de Southland. Sicasí, comparte con otres islles un ciertu relaxo nes normes que rixen les actividaes comerciales. Por casu, tolos medios de tresporte qu'operen dende la islla de la Gran Barrera, les islles Chatham, o islla Stewart/Rakiura tán exentos de la Llei de Tresportes local de 1962.^[4]^[5]

Referencies[editar | editar la fonte]

↑ «22 Mar 2012 - Cook's Journal: Daily Entries, About this Edition - Archived Website» (inglés). Trove. Archiváu dende l'orixinal, el 21 de marzo de 2012. Consultáu'l 2021-01-30.
↑ Islla Stewart, una de les maravilles del mundu
↑ Stewart island or Rakiura (n'inglés)
↑ Impresiones de un visitante a la Islla Stewart, (castellán)
↑ Observación d'aves na Islla (castellán)

Enllaces esternos[editar | editar la fonte]

[1] «22 Mar 2012 - Cook's Journal: Daily Entries, About this Edition - Archived Website» (inglés). Trove. Archiváu dende l'orixinal, el 21 de marzo de 2012. Consultáu'l 2021-01-30.

[2] Islla Stewart, una de les maravilles del mundu

[3] Stewart island or Rakiura (n'inglés)

[4] Impresiones de un visitante a la Islla Stewart, (castellán)

[5] Observación d'aves na Islla (castellán)

[1]

[2]

[3]

[4]

[5]