Islles Chatham

De Wikipedia
Saltar a navegación Saltar a la gueta
Islles Chatham
View from Chatham Islands.jpg
Situación
Autoridad unitariaQ26882619
Tipu grupu d'islles
Asitiáu en Océanu Pacíficu
Coordenaes 44°02′00″S 176°26′00″W / 44.033333333333°S 176.43333333333°W / -44.033333333333; -176.43333333333Coordenaes: 44°02′00″S 176°26′00″W / 44.033333333333°S 176.43333333333°W / -44.033333333333; -176.43333333333
Islles Chatham is located in Nueva Zelanda
Islles Chatham
Islles Chatham
Islles Chatham (Nueva Zelanda)
Datos
Superficie 966 km²
Noamáu por HMS Chatham
Fusu horariu UTC+12:45 y UTC+13:45
Cambiar los datos en Wikidata
Bandera de les Islles Chatham (non oficial).

Les islles Chatham («Rekohu» en llingua moriori) son un archipiélagu de Nueva Zelanda alcontráu nel océanu Pacíficu, qu'entiende diez islles nun radiu de 40 km. L'archipiélagu atópase asitiáu a 800 km al este de Christchurch, en Nueva Zelanda. Les islles pertenecieron oficialmente a Nueva Zelanda dende 1842.

El censu de 2001 rexistró una población de 717 habitantes nes islles Chatham.

Xeografía[editar | editar la fonte]

La superficie total de les islles ye de 996 km², casi toa nos dos islles mayores, Chatham (nesta atopa la capital, Waitangi) y Pitt. Estes islles principales son les úniques habitaes; les islles menores constitúin, en gran parte, reserves con accesu acutáu o prohibíu. Les islles son:

La mayoría d'estes tierres tán cubiertes por felechos y camperes, anque hai delles árees de montes. El terrén ye accidentáu, más na islla Pitt que nes otres, tando'l puntu de más altitú na islla Pitt, a 290 m. La islla Chatham, la principal d'esti conxuntu, tien numberosos llagos y llagunes, siendo'l mayor d'estos depósitos la llaguna Te Whanga. Otros llagos de la islla Chatham son el Huro y el Rangitahi. Ente los regueros tán el Te Awainanga y el Tuku.

Historia[editar | editar la fonte]

Los primeres habitantes d'estes islles pertenecíen a tribus inmigrantes de la Polinesia, que s'establecieron alredor del añu 1000 d.C., y de esti aislamientu surdió'l pueblu moriori. L'orixe esactu d'esta xente permanez como tema de dellos discutinios. Dalgunos pensaron qu'aportaron directamente de les islles de la Polinesia allugaes más al norte, pero na actualidá les teoríes estándar ven a maorinos como provenientes de continente de Nueva Zelanda. Esti alderique tien un matiz políticu, una y bones los actuales habitantes maorís, descendientes d'aquellos qu'invadieron y conquistaron l'archipiélagu en 1832, reclamen un accesu a los derechos ancestrales maorís. Un estensu reporte d'esos reclamos, Rekohu, foi publicáu pol Tribunal Waitangi.

La población moriori de les islles algama a 2000 habitantes. Viven como cazadores y pañadores, llogrando'l so alimentu del mar y de la flora nativa. Esta sociedá vivió pacíficamente, con pequenes organizaciones, pero calteniendo una población estable por aciu la capadura d'un ciertu porcentaxe de los neños varones.

El nome de les islles Chatham provien del barcu HMS Chatham, comandado pol teniente de la Royal Navy William Robert Broughton, que desembarcó nelles el 29 de payares de 1791 y reclamó posesión pa Gran Bretaña. Broughton comandaba el segundu barcu de la famosa espedición Vancouver (1791-1795).

El cazadores de foques y de ballenes llueu fixeron d'estes islles un centru de les sos actividaes. La pesca sigue contribuyendo significativamente na economía, anque les industries rellacionaes coles foques y les ballenes cesaron les sos actividaes alredor del 1861.

== Lliteratura méntase la «islla Chatham», cola so llatitú y llargor esactes, na obra de Jules Verne Robur el Conquistador, onde la describe como «una xigantesca estrella de mar de tres puntes».

Tamién se-yos menta nel llibru L'atles de les nubes onde se cunta la hestoria de los Morioris.

Ver tamién[editar | editar la fonte]

Referencies[editar | editar la fonte]

Bibliografía[editar | editar la fonte]