Islla Codfish
| Islla Codfish | |
|---|---|
 | |
| Situación | |
| Reinos |  Nueva Zelanda |
| Rexón | Southland |
| Tipu | islla |
| Asitiáu en | Océanu Pacíficu |
| Coordenaes | 46°46′30″S 167°38′00″E / 46.775°S 167.6333°E |
  Islla Codfish Islla Codfish (Nueva Zelanda) | |
| Datos | |
| Altitú media | 250 m[1] |
| Superficie | 13,96 km² |
| Población | 0 |
 | |
La Islla Codfish (tamién llamada Whenua Hou) ye una pequeña islla allugada al oeste de la Islla Stewart, al sur de Nueva Zelanda. Tien una superficie de 14 km², y algama un altor de 249 msnm, cerca de la mariña sur.
En nome maorí, Whenua Hou, significa "tierra nueva".
Dempués de la erradicación de les papalbes y otros predadores, convirtióse nun santuariu d'aves, y principal focu de los esfuerzos pa recuperar a los kakapos.
La mayor parte de les críes de kakapos, en peligru d'estinción, tán nesta islla. Tamién agospia mistacínidos, kākā, pericos, pingüinos azules, coríos negros, y otres aves. Nes mariñes, críense pingüinos mariellos y pingüinos de Fiorland.[2]
Codfish ye frecuentada por científicos ya investigadores, emplegaos del Departamentu de Caltenimientu y otros voluntarios, y apuerten a la islla n'avionetes o helicópteros. Ta cerrada pal públicu polo xeneral, y ta prohibíu l'aterrizaxe ensin autorización previa.
El nome refierse al bacaláu azul (n'inglés, "blue cod"), que péscase nes agües cercanes a la islla, pal so comerciu.
Referencies
[editar | editar la fonte]- ↑ URL de la referencia: https://gazetteer.linz.govt.nz/place/54437.
- ↑ acerca de la Islla Codfish
Enllaces esternos
[editar | editar la fonte]
Wikimedia Commons acueye conteníu multimedia sobre Islla Codfish.
| Control d'autoridaes |
|
|---|
Datos: Q944257- Multimedia: Codfish Island