Ignacio Blanco Urizar

De Wikipedia
Ignacio Blanco Urizar
Presidente de Vox Asturies

19 setiembre 2020 -
Diputáu na Xunta Xeneral del Principáu d'Asturies

24 xunu 2019 -
Vida
Nacimientu Xixón, 1 de xineru de 1971 (53 años)
Nacionalidá España
Estudios
Estudios Universidá d'Uviéu
Universidá de Wisconsin-Madison
Universidá Nacional d'Educación a Distancia
Llingües falaes castellanu
inglés
Oficiu políticu, economista, abogáu
Creencies
Relixón catolicismu
Partíu políticu Vox
ignacioblanco.es
Cambiar los datos en Wikidata

Ignacio Blanco Urizar (1 de xineru de 1971, Xixón) ye un políticu, abogáu y economista asturianu. Dende 2019 ye parllamentariu na Xunta Xeneral del Principáu d'Asturies, siendo'l voceru parllamentariu de Vox Asturies nesti.

Biografía[editar | editar la fonte]

Ñació'l 1 de xineru de 1971 en Xixón[1], nel barriu d'El Natahoyo. Ye miembru del Colexu d'Abogaos de Xixón y del Colexu d'Economistes d'Asturies, Burgos y Valladolid.

Ta llicenciáu n'Alministración y Direición d'Empreses (ADE) pola Universidá d'Uviéu, en Drechu pola Universidá Nacional d'Educación a Distancia (UNED) y tien un posgráu en Finances pola Universidá de Wisconsin[2]. Ye'l secretariu de programes de la organización lliberal, Club de los Viernes[3]. Pertenez a Vox dende'l so comienzu en 2013 y foi candidatu d'esti nes eleiciones autonómiques d'Asturies de 2015, algamando 3.100 votos, y de 2019, algamando 33.784 votos.

Dende 2019 ye parllamentariu na Xunta Xeneral del Principáu d'Asturies, voceru del grupu parllamentariu de Vox Asturies y miembru-fundador de la "Plataforma Contra la Cooficialidad del Bable". El 6 d'ochobre de 2019 dexa'l Comité Provincial de Vox Asturies por discrepancies col presidente d'esta formación n'Asturies, Rodolfo Espina[4][5], pero caltién el so puestu de parllamentariu na Xunta Xeneral del Principáu d'Asturies.

En payares de 2019 ye denunciáu pol alcalde de Bimenes, Aitor García Corte, por "inxuries y llevantos" nes redes sociales.[6][7][8]

En 2020 anunció la so candidatura pa presidir Vox Asturies. Al ser l'únicu candidatu que llogró los avales necesarios pa presentase a les eleiciones primaries, ye nomáu direutamente Presidente de Vox Asturies el 19 de setiembre de 2020, sustituyendo a Rodolfo Espina.

Referencies[editar | editar la fonte]

  1. ↑ Datos sobre Ignacio Blanco. https://mas.lne.es/elecciones/autonomicas/candidatos/vox/ignacio-blanco.html
  2. ↑ ¿Quién soy? - Páxina web d'Ignacio Blanco. https://ignacioblanco.es/quien-soy/
  3. ↑ Así es El Club de los Viernes, el 'think tank' ultraliberal cercano a Vox https://www.vozpopuli.com/politica/club-viernes-vox-think-tank_0_1212479615.html
  4. ↑ Ignacio Blanco dimite de sus cargos orgánicos en Vox por discrepancias con la direición en Asturias https://www.20minutos.es/noticia/3790510/0/ignacio-blanco-dimite-sus-cargos-organicos-vox-por-discrepancias-con-direccion-asturias/
  5. ↑ Discrepancias internas en Vox: Ignacio Blanco abandona los cargos orgánicos https://www.lavozdeasturias.es/noticia/asturias/2019/10/06/discrepancias-internas-vox-ignacio-blanco-abandona-cargos-organicos/00031570356151413930661.htm
  6. ↑ La TSXA va determinar si hubo inxuries y incitación al odiu de Blanco (Vox) contra l'alcalde de Bimenes https://m.europapress.es/asturianu/noticia-tsxa-va-determinar-si-hubo-inxuries-incitacion-odiu-blanco-vox-contra-lalcalde-bimenes-20191128145116.html
  7. ↑ Vox y el alcalde de Bimenes, ante el juez por la bandera de España https://www.lne.es/centro/2019/11/29/vox-alcalde-bimenes-juez-bandera/2564746.html
  8. ↑ El alcalde de Bimenes denuncia por incitación al odio a Ignacio Blanco https://www.lavozdeasturias.es/noticia/asturias/2019/11/28/alcalde-bimenes-denuncia-incitacion-odio-ignacio-blanco/00031574947563823769262.htm

Enllaces esternos[editar | editar la fonte]

Sacáu de «https://ast.wikipedia.org/w/index.php?title=Ignacio_Blanco_Urizar&oldid=4129209»