Idioma occidental

De Wikipedia
Saltar a navegación Saltar a la gueta
Picto infobox comicballoon.png
Interlingue, ente 1922-1947 Occidental
Interlingue
Faláu en Mundialmente
Zona -
Falantes ensin datos
Puestu Nun s'atopa ente los 100 primeros. (Ethnologue 1996)
Familia Llingua artificial
Estatus oficial
Oficial en Nengún país
Reguláu por Interlingue-Union (IX) [1]
Códigos
ISO 639-1 ie
ISO 639-2 ile
ISO 639-3

Interlingue o occidental (llamáu asina ente 1922-1949) ye una llingua artificial creada por Edgar von Wahl, unu de los primeres esperantistes.

Von Wahl nació en Tallin, güei Estonia y entós provincia del Imperiu rusu, nel senu d'una familia de llingua alemana. Los sos conseyos fueron siguíos por Zamenhof. Oficial de la marina de guerra, optó pol bandu zarista na Revolución de 1917. Tres el trunfu de los soviéticos, se exilió en Francia, camudando'l so apellíu por De Wahl. Descontentu col esperantu, decidió crear el so propiu proyeutu, al que llamaría occidental. Publica en 1922 el so proyeutu de llingua. Formula la regla de Wahl. Consiguió axuntar un pequeñu grupu de siguidores, que siguiría editando la revista Cosmoglotta hasta los años 1950.

En 1949 decidieron camudar el nome pol de interlingue (Non interlingua, nome usáu por Peano pal so "Latino sine flexione", y tamién pol Alexander Gode en proyeutu d'IALA de 1953). Sicasí, l'asociación nun volvió dar señales de vida hasta la década de los años 1990, al traviés d'Internet.

Lliteratura[editar | editar la fonte]

La mayoría de los testos lliterarios n'occidental, tantu orixinales como traducíos, fueron espublizaos en Cosmoglotta. Otros testos fueron espublizaos na revista Helvetia, y otros, en menor cantidá, como llibros.

La lliteratura n'occidental puede estremase en dellos periodos:

  • Primer periodu ente 1921 y 1927
  • Periodu de Viena ente 1927 y 1949
  • Periodu d'estancamientu ente 1950 y 1999
  • Reavivamientu n'internet a partir de 1999

Últimes obres[editar | editar la fonte]

  • Li Romance de Photogen e Nycteris de George MacDonald, y traducíu por David MacLeod en 2019[1].
  • Kinderseele, de Hermann Hesse, traducíu por Dave MacLeod en xineru de 2021.
  • Li últim rendevú o esque rendevús es dangerosi?, de Dorlota Burdon y publicáu por en marzu de 2021[2].
  • Li sercha in li castelle Dewahl e altri racontas, escritu por Vicente Costalago y publicáu por el 26 martio 2021.

Otros testos non lliterarios[editar | editar la fonte]

Anque les principales obres escrites n'occidental fueron obres lliteraries, esisten otres publicaciones nesti idioma que nun se podríen calificar como tales. Ye'l casu d'obres como:

  1. Le Axiome de Paralleles de Euclides a Hilbert, de Carl-Erik Sjöstedt. Espublizáu en 1986, tratar d'una enciclopedia de matemátiques.
  2. Dellos llibros de testu espublizaos n'internet por Vicente Costalago, como ye'l casu de Historie[3], Cultura classic[4], Geographie[5] y Mathematica[6], toos ellos espublizaos en 2020.

Bibliografía[editar | editar la fonte]

  • Haas, Fritz. 1956. Grammatica de Interlingue in Interlingue. Interlingue-Servicie Winterthur (Svissia). [2] (en interlingua)
  • Jacob, Henry. 1947 Occidental (1922) by Edgar de Wahl en A Planned Auxiliary Language Publicate: London, Dobson, London. 1947 [3] (n'inglés)
  • Rodríguez, José María. 1999. Curtia gramática de Interlinguie/Occidental en Gazeto Andaluzia (órganu oficial de l'Asociación Andaluza d'Esperantu) N° 57 marzu de 1999. [4] (n'esperantu)
  • Stenström, Ingvar. 1997. Occidental-Interlingue: Factos y fato d'un lingua international. Societate Svedese pro Interlingua. ISBN 91-971940-2-6. (en interlingua)

Referencies[editar | editar la fonte]

Enllaces esternos[editar | editar la fonte]