Hormisdas

De Wikipedia
Saltar a navegación Saltar a la gueta
HormisdasPicto infobox character.png
Pope Hormisdas.jpg
External Ornaments of a Cardinal Archbishop.svg
Cardenal


Emblem of the Papacy SE.svg
52. Papa

22 xunetu 514 - 6 agostu 523 (Gregorianu)
Símaco - Xuan I
Vida
Nacimientu Frosinone450
Fallecimientu

Roma6  d'agostu de 523

(72/73 años)
Sepultura basílica de San Pedru
Familia
Casáu/ada con wife of Hormisdas Traducir
Fíos/es
Oficiu
Oficiu clérigu y sacerdote católicu
Llugares de trabayu Roma
Santoral
6 d'agostu
Creencies
Relixón Ilesia Católica
Cambiar los datos en Wikidata

Hormisdas (Frosinone, c. 450 - Roma, 6 d'agostu de 523) foi'l papa nᵘ52 (de 514 a 523) y santu de la Ilesia católica.

Diáconu nel momentu de la so eleición, tuvo casáu antes de ser ordenáu y tuvo un fíu que más tarde se convertiría nel futuru papa Silverio.

La so primer actuación como pontífiz foi acabar colos últimos rescoldos del cisma acaciano surdíu nel 484 por aciu la llamada "fórmula de Hormisdas" propuesta en 519 tres una xunta ente les Ilesies de Roma y de Constantinopla.[1]

Mientres el so papáu encargó a Dionisio el Exiguo, un astrónomu d'orixe escita y abá d'un monasteriu romanu, reformar el calendariu esistente, xera que resolvió al establecer como añu primeru de la era cristiana'l de la nacencia de Jesús. Los cálculos qu'ésti realizó resultaron, según comprobóse dempués, equivocaos nunos 6 años al datar de forma errónea'l reináu de Herodes I el Grande, polo que dedució que Jesús nació l'añu 753 de la fundación de Roma, cuando de fechu tuvo d'asoceder escontra'l 748.

Resultó electu papa en presencia del celebre Casiodoro, entós cónsul, y delegáu del rei Teodorico pa esta eleición. Consiguió, cola tercer delegación qu'unvió a Constantinopla, reconciliar esta Ilesia cola Santa Sede, de la cual taba dixebrada dende la condenación d'Acacio. El so pontificáu foi gloriosu pola puxanza con que sostuvo la doctrina, pola reforma del cleru, pola paz que procuró a les Ilesies d'Oriente, pola espulsión de los maniqueos de Roma, y poles sos llimosnes y liberalidades colos Santos Llugares. Hormisdas morrió en 6 d'agostu de 523.[2]

Referencies[editar | editar la fonte]

  1. Kirsch, Johann Peter (1913), «Pope St. Hormisdas» (n'inglés), Catholic Encyclopedia, Nueva York: Robert Appleton Company, OCLC 1017058 
  2. Capmany y de Montpalau, Antonio de (1792) Compendiu cronolóxicu-históricu de los soberanos d'Europa..., Ed. Blas Roman. p. 8. [1]

Enllaces esternos[editar | editar la fonte]


Predecesor:
Símaco
Emblema del Papáu
Papa

514-523
Socesor:
Xuan I





Hormisdas