Henry Thomas

De Wikipedia
Henry Thomas
Vida
Nacimientu San Antonio[1]9 de setiembre de 1971[2] (52 años)
Nacionalidá Bandera de Estaos Xuníos d'América Estaos Xuníos
Llingua materna inglés
Familia
Casáu con Marie Zielcke (2004 – 2007)
Fíos/es 3
Estudios
Estudios East Central High School (en) Traducir
Blinn College (en) Traducir
Llingües falaes inglés[3]
Oficiu actor, músicu, actor de televisión, actor de cine, guitarristaactor de voz
IMDb nm0001794
Cambiar los datos en Wikidata

Henry Jackson Thomas, Jr. (9 de setiembre de 1971San Antonio) ye un actor de cine y televisión d'Estaos Xuníos. Ye recordáu pol so papel como Elliot na película E.T. the Extra-Terrestial (1982) de Steven Spielberg.

Biografía y carrera profesional[editar | editar la fonte]

Estudió nel East Central High School y nel Blinn College. Debutó en 1981 nel filme Raggedy man, de Jack Fisk y participó na película The Steeler and the Pittsburgh Kid (1981). Al añu siguiente foi escoyíu pal filme E.T. the Extra-Terrestial, actuando'l rol d'un neñu que fai amistá con un estraterrestre. El filme resultó un ésitu de taquilla y promocionó la so carrera.

De regresu en San Antonio, participó nuna serie de comerciales pa televisión, mientres siguía los sos estudios nel colexu. Nos años siguientes de la década de 1980 actuó nes películes Misunderstood (1984), Cloak & Dagger (1984), Frog Dreaming (1986), Murder One (1988) y Valmont (1989), de Miloš Forman.

Na década de 1990, yá adolescente, participó nes películes pa televisión Psicosis IV - L'empiezu (1990) onde interpreta'l papel como Norman Bates mozu, A Taste for Killing (1992), Beyond Obsession (1994), Indictment: The McMartin Trial (1995), que-y valió una nominación al premiu Globu d'Oru, Riders of the Purple Sage (1996), Moby Dick (1998) y Happy Face Murders (1999).

Pa la pantalla grande actuó en Fueu nel cielu (1993), Curse of the Starving Class (1994), Legends of the Fall (1994), Bombshell (1996), Hijacking Hollywood (1997), Niagara, Niagara (1997), Suicide Kings (1997), Moby Dick (1998) y Fever (1999).

Na década de 2000 participó en A Good Baby (2000), All the Pretty Horses (2000), The Quickie (2001), Dead in the Water (2002), I'm with Lucy (2002), Gangs of New York (2002), I Prinde the Castle (2003), Briar Patch (2003), 11:14 (2003), Honey Baby (2003), Dead Birds (2004), The Hard Easy (2005), Desperation (2006) (película pa TV), The Last Sin (2007), Paranormal Activity (2007), Suffering Man's Charity (2007) y Red Velvet (2009).

Tamién participó en dos series de televisión, Masters of Horror (2005) y Without a Trace (2007–2008)

Vida privada[editar | editar la fonte]

Tuvo casáu cola actriz Kelly Hill (2000- 2002). Ta anguaño casáu cola actriz alemana Marie Zielcke, con quien tien una fía, Hazel. Vive na ciudá de Los Angeles.

Interpretó Rock nun grupu llamáu The Blueheelers, que s'eslleió a final del Sieglu XX.

Filmografía[editar | editar la fonte]

Referencies[editar | editar la fonte]

  1. Afirmao en: Gemeinsame Normdatei. Data de consulta: 15 avientu 2014. Llingua de la obra o nome: alemán. Autor: Biblioteca Nacional d'Alemaña.
  2. Afirmao en: Gemeinsame Normdatei. Data de consulta: 30 abril 2014. Llingua de la obra o nome: alemán. Autor: Biblioteca Nacional d'Alemaña.
  3. «idRef» (francés). Agencia Bibliográfica de Enseñanza Superior. Consultáu'l 11 mayu 2020.

Enllaces esternos[editar | editar la fonte]